Marko 3:7 - Tennet

⁷ Baling ovvo Ye̱su̱ ki nuyak waginnek nyatapara, unuwet zin koole cik meelek lo̱o̱ce̱ ci Ga̱li̱li̱ nogo vu̱rrta̱.

Marko 3:7 Iomraidhean Croise

Ma̱te̱yo̱ 10:23

Ming a̱gi̱ddu̱ng ol o̱rge̱ emani, u̱lu̱ge̱t oot o̱rge̱ emani. Ka̱du̱wa̱kku̱ng zoz ci een de̱de̱, iróng atin azucannu o̱ro̱gjo̱k cik Israilo veelek ming ngen Ngerrti E̱e̱to̱ kobodak lo̱o̱c.

Ma̱te̱yo̱ 12:15

Baling okko Ye̱su̱ a̱gga̱ zoz ci orong ol kar ku̱ru̱we̱t nonno ko̱, utungek zin enne ngin neci lo̱o̱c. Unuwet zin ol cik meelek omori nonno, kar enne kangaru nogo mo̱ri̱zo̱we̱.

Ma̱te̱yo̱ 12:16

I̱lo̱te̱k Ye̱su̱ ol zoz ci azi ne, “Ma a̱du̱wa̱kku̱ ol, ming ke̱e̱ni̱ anna ngene.”

Ma̱te̱yo̱ 4:25

A̱vvu̱ ol cik meelek Ga̱li̱li̱ya̱ ki cik a̱vvu̱ o̱ro̱gjo̱we̱ cik een Dikapolis, orong Ye̱su̱. A̱vvu̱ ol uggak bo̱do̱k Jerusalema ki lo̱o̱ce̱ ci Ju̱de̱ya̱ ki cik a̱vvu̱ moro ci Jordani, annu nege Ye̱su̱ kizeto nuyak ciginnek.

Marko 1:39

Oto zin enne o̱ro̱gjo̱we̱ cik Ga̱li̱li̱ veelek. Uwak Ce̱e̱zi̱nne̱ wak Lawinto, kar kottok kuulo cik lo̱rye̱nta̱k olle.

Marko 1:45

Abarik enne uk reena kar kakate kozoz cabak, azan kaviyak ne̱ke̱. Imma zin zo̱ze̱ neci, iróng Ye̱su̱ ngen i̱i̱zo̱ orog ngati acine ol, abarik a̱vvu̱ orog abanyca ngati a̱zze̱ne̱ ol to. Ngen zin ol a̱vvu̱na̱k nonno dee o̱ro̱gjo̱we̱.

Marko 3:20

I̱tto̱ zin Ye̱su̱ ce̱e̱z imma, kar bo̱do̱k koole ku̱lu̱te̱, ki̱zzi̱ gool to ci adaine enne ki nuyak ciginnek.

Marko 4:1

Akate bo̱do̱k Ye̱su̱ kar kedemezo nyatapara ti̱ti̱ma̱. Ize koole neci alutai kuburuk nonno ke̱ a̱ppwa̱ oroot kar zin kaanyik nonno ki̱tto̱ i̱bo̱ ci abile nyatapar utuga, kar zin ka̱vvu̱ i̱ba̱, ma̱i̱je̱ koole do̱o̱k aavtte ti̱ti̱ma̱.

Lu̱ka̱ 23:5

Ma̱i̱je̱ nege adang nonno dee, “Nonno ci ovolongek ol do̱o̱k lo̱o̱ce̱ ci Ju̱de̱ya̱ de̱mzi̱nte̱ cinne. Akane enne Ga̱li̱li̱ya̱ kar ki̱ki̱ya̱ mer nginati rok ngintu.”

Lu̱ka̱ 6:12

Okko da̱ Ye̱su̱ i̱i̱te̱n co̱de̱ biya kuk kalawo, kar ka̱ta̱ngu̱ nginati kaal ala Ta̱mu̱ta̱dde̱n.

Lu̱ka̱ 6:17

Uluce enne uk lo̱o̱ta̱ ngatinne̱ng kar kibil ngati een buur. Aavtte da̱ to̱ni̱a̱ha̱ ciginnek cik meelek nginati ki ol cik meelek cik a̱vvu̱ lo̱o̱ce̱ ci Ju̱de̱ya̱ veelek, ki Jerusalema, ki o̱ro̱gjo̱we̱ cik Tyre ki Sidon, aavtte ti̱ti̱me̱ ci nyatapar ci a̱ddi̱ki̱re̱,

Kaviyak wak Abunna Ta̱mu̱ta̱dde̱no̱ eher Joni 7:41

Ovvo ol uggak azi ne, “Een e̱e̱ti̱ cu Ki̱ri̱sto̱ bali atahalai kize Ti̱ri̱zo̱i̱t.” Ovvo uggak a̱jji̱nne̱ azi ne, “A̱kku̱ wo̱ye̱ Ki̱ri̱sto̱ Ti̱ri̱zo̱i̱ti̱ lo̱o̱ce̱ ci een Ga̱li̱li̱ ku̱?

Kaviyak wak Abunna Ta̱mu̱ta̱dde̱no̱ eher Joni 7:52

O̱bo̱dde̱k zin nege nonno, a̱nne̱k ne, “E̱e̱ni̱ i̱nna̱ e̱e̱t ci Ga̱li̱li̱? Cin ju̱rru̱m, amuda atidic iróng a̱ri̱to̱i̱ti̱ a̱kku̱ o̱rge̱ ci Ga̱li̱li̱.”

Buk wa To̱ni̱a̱u̱ 17:10

Okko ba̱a̱li̱n neci ele, i̱tto̱ni̱t ol wak a̱tu̱we̱ Pa̱u̱lo̱ ki Silas, koot o̱rge̱ ci een Berea. Baling a̱ra̱yya̱ nege ngin neci, oot Ce̱e̱ze̱ wa Lawinto Ya̱u̱do̱.

Buk wa To̱ni̱a̱u̱ 17:14

I̱tto̱ni̱t ol wak a̱tu̱we̱ ko̱ Pa̱u̱lo̱ ku̱lu̱ce̱ kunu liil ci a̱ddi̱ki̱re̱ ti̱ti̱m, imma Silas ki Ti̱mo̱te̱yo̱ irahek Bereakte.