Marko 3:5 - Tennet

⁵ Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Marko 3:5 Iomraidhean Croise

Kananet 6:6

U̱u̱c zin zinin ci Manyi, kar enne ki̱no̱n kize ne, iróng weda enne keenyca e̱e̱t ci diiri kar zin kanyik kabak lo̱o̱ta̱.

Ma̱te̱yo̱ 12:13

U̱du̱wa̱k zin Ye̱su̱ e̱e̱t ci ngooli a̱zzi̱ti̱ ko̱ ne, “Zolan da̱ a̱zzi̱t cunne ka̱vvu̱ ṯop.” Ozolan zin e̱e̱ti̱ neci a̱zzi̱t ka̱vvu̱ ṯop, kar zin kubunna ki a̱zzi̱ti̱ co̱de̱ ci abunna ko̱ niko.

Marko 3:4

I̱jji̱n zin Ye̱su̱ nogo izek ne, “Gi̱i̱ jang ci a̱du̱wa̱ lo̱ti̱nno̱wa̱ cik abunna I̱i̱te̱ne̱ wa Yu̱bze̱nto̱: Ku̱tu̱gu̱ gi̱i̱ ci abunna yo icima ku̱tu̱gu̱ mu̱nye̱n, ka̱ti̱ri̱z ol kuruget icima kanyike ol ka̱da̱i̱to̱ I̱i̱te̱ne̱ wa Yu̱bze̱nto̱?” Abarik ijakce nege li̱i̱m.

Lu̱ka̱ 13:15

O̱bo̱de̱k zin Manyi nonno, “Niga ol cik a̱ru̱kku̱ talaben ko̱! Iróng gon niga do̱o̱k I̱i̱te̱ne̱ wa Yu̱bze̱nto̱ owanu tiin icima zi̱gi̱re̱ boora kar aanycik maam?

Lu̱ka̱ 17:14

Baling icin enne nogo, ize zin ne, “Oto, i̱ye̱lte̱k e̱le̱tti̱ cuggo̱k ol wak wawaco.” Baling ovvo nege owo, icinnet abarik i̱zi̱ze̱c e̱le̱tti̱ cigge̱k, i̱zzi̱ dhovo ne dakdak.

Lu̱ka̱ 6:10

Egelem zin enne nogo do̱o̱k e̱co̱de̱ e̱co̱de̱, kar zin kizek e̱e̱t neci ngooli a̱zzi̱ti̱ ko̱ ne, “Zolan a̱zzi̱t cunne.” Ozolan zin enne a̱zzi̱t cinne ka̱vvu̱ ṯop, kar zin a̱zzi̱ti̱ cinne kubunna niko.

Kaviyak wak Abunna Ta̱mu̱ta̱dde̱no̱ eher Joni 9:7

Kar zin kizek nonno ne, “Bit kar tuny ebere nyatapare wa een Siloam.” (Azi ungec ci zoz necu ne, i̱tto̱na̱i̱). Uk zin e̱e̱ti̱ neci utuny ebere kar zin koboda orog ngati icinoi la̱du̱n.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

2 Ko̱ri̱nto̱ 3:14

Abarik zin i̱di̱tte̱ nogo iina, ki bali ming a̱bu̱ng Musesi ngu̱m ke̱, eci iróng orong kicinnet olli Israilo nonno. Ngen zin nege abahe olom bali reeni ke̱. Amadane zin atin lo̱ti̱nno̱wa̱ ne̱ke̱ zi̱nze̱tti̱nne̱ cigge̱k do̱o̱k ming i̱vi̱ta̱ nege elemtta Ki̱ri̱sto̱.

Evesos 4:18

Iditet ba̱ci̱no̱wa̱ nogo zi̱nze̱tti̱ ki̱zzi̱ ngatinne̱ng rok gool ci a̱gga̱we̱ Ta̱mu̱ta̱dde̱n. Engertta zin nege e̱le̱tti̱ cigge̱k rugete ci aanyik Ta̱mu̱ta̱dde̱n ol ko̱, eci odoi nogo zi̱nze̱tti̱ kak, kar kutuburret zoz wa een de̱de̱.

Evesos 4:26

“Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong,

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

I̱bu̱ru̱ 3:10

Zoz zin ci kaburnek anna nong bu̱u̱l neci ko̱ nenen necu, kar anna kize ne, ‘Ovvo odohize zi̱nze̱tti̱ cigge̱k tu̱a̱, iróng nege a̱gga̱ go̱o̱llo̱k cigannik.’

I̱bu̱ru̱ 3:17

Omoze ba̱li̱ye̱ Ta̱mu̱ta̱dde̱n ngatinne̱ng e̱rki̱nya̱ moten we̱c, eci nege u̱tu̱gu̱zzo̱ mu̱nye̱n ngati iróng a̱tu̱ nonno, kar zin ka̱da̱i̱to̱ balala.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

O̱no̱zzo̱k 6:16

A̱nne̱k zin nege biyen cik a̱ddi̱ki̱re̱ ki jo̱o̱re̱t ne, “Itazak e̱le̱tti̱ cigga̱k kar u̱lu̱gu̱nyce̱tu̱ ngati E̱e̱t wa aave lecera ko̱ kar bo̱do̱k ngati mozinet ci Nyoono!