Marko 3:10 - Tennet

¹⁰ Eci enne angaru ol cik meelek giir mo̱ri̱zo̱we̱, iyota zin ol wak anyak mo̱ri̱zzo̱k e̱le̱tti̱ne̱ orongit ku̱u̱me̱t nonno.

Marko 3:10 Iomraidhean Croise

Kananet 12:17

Aanyik zin Manyi alaan ci Masiro ki ol cik ce̱e̱zu̱ do̱o̱k komorrit moriz ci gerze zo̱ze̱ ci ngaa ci Aburami, Sarai.

Ma̱te̱yo̱ 12:15

Baling okko Ye̱su̱ a̱gga̱ zoz ci orong ol kar ku̱ru̱we̱t nonno ko̱, utungek zin enne ngin neci lo̱o̱c. Unuwet zin ol cik meelek omori nonno, kar enne kangaru nogo mo̱ri̱zo̱we̱.

Ma̱te̱yo̱ 14:14

Baling okko Ye̱su̱ iyowa i̱ba̱ kar kicin koole, atamatek zin enne ol ne̱ke̱ kar kangaru nogo mo̱ri̱zo̱we̱.

Ma̱te̱yo̱ 14:36

Ilalek nege Ye̱su̱ kar ol cik omori ku̱u̱me̱t ru̱u̱m cinne, imma ol balik u̱u̱me̱t nonno ubunntta, i̱zze̱c mo̱ri̱zo̱wa̱ dakdak.

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Marko 5:34

Izek zin Ye̱su̱ ngaa neci ne, “Buweenyanni, angaruwi i̱nne̱t tu̱we̱ne̱t cunne. Bit labak, iróng atin i̱nna̱ bo̱do̱k apirna.”

Marko 6:56

Ming okko enne o̱rge̱ emani, odonga ol mo̱ri̱zzo̱k nginti utane ol kaal. Ilalek ol nonno orong ku̱u̱me̱t ru̱u̱m cinne, imma ol cik u̱u̱me̱t ru̱u̱m cinne, angaruyye. Ki̱zze̱c mo̱ri̱zo̱wa̱ e̱le̱tti̱ne̱ cigge̱k.

Marko 8:22

I̱vi̱tta̱k zin ciko Ye̱su̱ ki demezyak orog ci een Betsaida, anyakttak zin ol uggak Ye̱su̱ e̱e̱t ci ru̱be̱ni̱ abunna okko enne atadek nonno a̱zzi̱t kar kalawek Ta̱mu̱ta̱dde̱n kangaru nonno.

Lu̱ka̱ 5:3

Uk zin Ye̱su̱ i̱tto̱ i̱bo̱ co̱de̱, een da̱ i̱bo̱ neci ci Si̱mo̱ne̱, kar ki̱jji̱n Si̱mo̱ne̱ kiyot i̱bo̱ kuk idic nyatapara, kar zin Ye̱su̱ ka̱vvu̱ lo̱o̱ta̱ i̱bo̱wa̱ kar kedemez ol.

Lu̱ka̱ 6:19

kar ol do̱o̱k koronggit ku̱u̱me̱t nonno, eci doizi iyowa ngatinne kar kangaru nogo do̱o̱k.

Lu̱ka̱ 7:2

Anyak da̱ ddi̱ki̱ryo̱i̱ti̱ ci aciiru Romi du̱ca̱i̱t ci irez enne oroot, odoyai kize daizoit.

Lu̱ka̱ 7:21

Imma i̱i̱te̱ne̱ neci ele, angaru Ye̱su̱ ol cik meelek anyak mo̱ri̱zzo̱k cik aavtte do̱ do̱, ki ol wak anyak kuulo cik lo̱rye̱nta̱k, kar koo ebere cik ol cik ru̱be̱ni̱k.

Buk wa To̱ni̱a̱u̱ 5:15

Imma zin zo̱ze̱ necu, anyakttak ol cik omori go̱o̱llo̱k kar abunna ri̱ri̱to̱ni̱ ci Peturu i̱i̱na̱k u̱gge̱ ming owo enne goola.

I̱bu̱ru̱ 12:6

Eci Manyi i̱lo̱t dooli wak irez enne, kar ki̱bi̱c e̱e̱t ci elemi enne een do̱le̱c cinne.”