Marko 2:16 - Tennet

¹⁶ Baling icinnet de̱me̱zzo̱wa̱ wak lo̱ti̱nno̱u̱ wak een Varacis Ye̱su̱ ming adakce ki olli mu̱nye̱nu̱ ki bo̱do̱k ol wak aluta ol mucuru, i̱jji̱nne̱t zin nege nuyak cik Ye̱su̱, “Nya ming adakce enne ki ol wak mu̱nye̱nu̱ ki bo̱do̱k ol wak alut mucuru ko̱?”

Marko 2:16 Iomraidhean Croise

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Ma̱te̱yo̱ 9:11

Baling icinnet olli Varacisi zoz necu, i̱jji̱nne̱t zin nuyak cik Ye̱su̱, a̱nne̱k ne, “Inya ming adakce de̱me̱zo̱i̱ti̱ cinno̱ng ki ol wak aluta mucuru olle ki ol wak mu̱nye̱nu̱ bu̱k ko̱?”

Marko 2:15

Baling ngen Ye̱su̱ adak á̱há̱t ci yo̱mo̱no̱ ce̱e̱ze̱ ci Le̱vi̱, adakce da̱ enne ki nuyak waginnek ki ol wak aluta mucuru olle ki ol wak mu̱nye̱nu̱, eci anyak ol cik meelek giir bali annu nonno.

Marko 2:7

“Nya ming ozoz e̱e̱ti̱ cu ki i̱yo̱ko̱? A̱wu̱l enne zoz ci Ta̱mu̱ta̱dde̱no̱. Ngene wo̱ye̱ ci alalek ol ba̱ci̱nno̱k, iróng een Ta̱mu̱ta̱dde̱n do̱ niko?”

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 5:30

Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Buk wa To̱ni̱a̱u̱ 23:9

A̱vvu̱ zoz ci aburne ol nong oroot to, kar de̱me̱zzo̱wa̱ wak lo̱ti̱nno̱u̱ uggak wak een Varacis, ibilet je̱e̱na̱ kar zin kadangto oroot, azi nege ne, “I̱llo̱i̱ gi̱i̱ ci gerze kamudanna ngati e̱e̱t cu. Nyaa ming ozozik vongizi icima anjilo nonno ko̱?”

1 Ko̱ri̱nto̱ 2:15

Imma e̱e̱ti̱ ci anyak Vongiz ci Ta̱mu̱ta̱dde̱no̱ zinine cinne, a̱gga̱ gool ci kaal ne̱ke̱ do̱o̱k, etteddek enne ol do̱o̱k lo̱ki̱ko̱, i̱llo̱i̱ e̱e̱t imma ci kar kapahek nonno gerziten kaale ne̱ko̱ do̱o̱k. A̱jji̱nne̱ zoz ci Ta̱mu̱ta̱dde̱no̱:

I̱bu̱ru̱ 12:3

Icinnet da̱ baiz bali anime enne gi̱de̱ne̱t a̱tte̱ ci olli mu̱nye̱nu̱ oroot, abunna iróng niga o̱ngo̱o̱li̱nnu̱ baiz bak aburnnu nong.