Marko 16:19 - Tennet

¹⁹ Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Marko 16:19 Iomraidhean Croise

Marko 16:20

Oot zin nuyaha uwaktek ol zoz ci Ta̱mu̱ta̱dde̱no̱ lo̱o̱co̱we̱ do̱o̱k. I̱li̱ngli̱ng zin Manyi ki nogo kar kaanyik zoz cinne ku̱tu̱gu̱we̱ go̱o̱le̱ ci ogone nege kaal cik a̱vu̱la̱.

Lu̱ka̱ 22:69

Ma̱i̱je̱ i̱yo̱ko̱ kuk, aave atin Ngerrti E̱e̱to̱ a̱tte̱ ci a̱zzo̱ Ta̱mu̱ta̱dde̱no̱ wa anyak komiz do̱o̱k.”

Lu̱ka̱ 9:51

Baling ize ojon i̱i̱ ci orong Ye̱su̱ ki̱mi̱re̱ kuk ta̱mu̱-kenga, adang zoz kar kuk rok Jerusalem.

Kaviyak wak Abunna Ta̱mu̱ta̱dde̱no̱ eher Joni 13:1

Ma baling ize ojon I̱i̱te̱ni̱ wa Va̱rda̱ngi̱nto̱, a̱gga̱ Ye̱su̱ niko ming i̱ki̱ya̱ i̱i̱ ci okko enne okko ta̱mu̱-kenga ngati Baatinne. Irez enne odohize ol waginnek lo̱o̱ta̱ ko̱, i̱ye̱le̱k zin enne nogo rezinet cinne oroot.

Kaviyak wak Abunna Ta̱mu̱ta̱dde̱no̱ eher Joni 16:28

Ka̱kku̱ni̱ anna ngati Baba ka̱kku̱na̱k lo̱o̱c, abarik zin i̱yo̱ko̱ kutungeya lo̱o̱c ki̱mi̱re̱ kuwa ngati Baba.”

Kaviyak wak Abunna Ta̱mu̱ta̱dde̱no̱ eher Joni 17:13

“Kobodaki i̱nne̱t ta̱mu̱-kenga, ku̱du̱wa̱ha̱ ba̱li̱ye̱ kaal ne̱ke̱ baling ngen kaavtiya ki nogo bu̱k lo̱o̱ta̱, kar demezyaha cigannik katalto oroot ngatinanni.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Kaviyak wak Abunna Ta̱mu̱ta̱dde̱no̱ eher Joni 21:15

Baling uduttet Ye̱su̱ ki nuyak ciginnek da̱i̱nte̱, izek enne Si̱mo̱ne̱ Peturu ne, “Si̱mo̱ne̱ ngerrti Joni, ireza i̱nna̱ annita oroot kommog ol ne̱k ireza annit ko̱?” Azi zin Si̱mo̱ne̱ ne, “I̱i̱ny Manyi, a̱gga̱ i̱nna̱ ming kirezin.” Izek zin Ye̱su̱ nonno ne, “Tam nyoo cigannik ko̱ ju̱rru̱m.”

Kaviyak wak Abunna Ta̱mu̱ta̱dde̱no̱ eher Joni 21:22

O̱bo̱de̱k Ye̱su̱, Peturu, “Ming korongi nonno kurug zee koboda anna, nya ci a̱u̱ce̱ zinine cunne? Abunna ming anuyan.”

Kaviyak wak Abunna Ta̱mu̱ta̱dde̱no̱ eher Joni 6:62

Ogon wo̱ye̱ ku̱ ming acinnu Ngerrti E̱e̱to̱ ming a̱mi̱re̱ okko ngin bali a̱kku̱nne̱ ke̱, ta̱mu̱-kenga!

Buk wa To̱ni̱a̱u̱ 1:22

Akane ngati Jon ba̱ti̱ti̱mo̱ rok i̱i̱ bali odongine Ye̱su̱ okko ta̱dde̱na̱ ngati een agit ke̱. Een atin e̱e̱ti̱ co̱de̱ ki agit bbacait ci i̱i̱te̱n bali ingane Ye̱su̱ daiza ke̱.”

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Buk wa To̱ni̱a̱u̱ 3:21

Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 6:20

Aave Ye̱su̱ nginati, uk enne o̱o̱we̱ cinna, i̱i̱zo̱ Ngin neci A̱li̱le̱ Oroot ke̱ zo̱ze̱ cinna. Ize zin enne alaan ci a̱ddi̱ki̱re̱ wawaco udut, ki bali Melchizedek.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

I̱bu̱ru̱ 8:1

Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.