Marko 14:41 - Tennet

⁴¹ Oboda enne bo̱do̱k lawinta, ize lak i̱i̱yo̱, amuda demezyak ming adunge, a̱nne̱k nogo ne, “Ngen dim niga adungnu niko? E̱le̱zzo̱! I̱ki̱ya̱ i̱i̱te̱ni̱. Icinnet ming adawa ol Ngerrti E̱e̱to̱ azzine cik olli mu̱nye̱nu̱.

Marko 14:41 Iomraidhean Croise

Ma̱te̱yo̱ 26:2

“Eci niga a̱gga̱yyu̱ akate atin I̱i̱te̱n wa Va̱rda̱ngi̱nto̱, ming kedecca naga i̱i̱nya̱ rama, kar anna Ngerrti E̱e̱to̱ adawana atin ol annita kar kotodoyang annit keet wa een ta̱la̱ke̱c.”

Marko 14:10

Imma zin Judasi Iskariyoti wa een demezeyait co̱de̱ ci Ye̱su̱ demezeyahe wak een omoto ki ram, uk enne ngati alaat cik olli wawaco Ce̱e̱ze̱ wa Ta̱mu̱ta̱dde̱no̱ kar kuk kimitanek nogo gool ci a̱gga̱me̱ nege Ye̱su̱.

Marko 14:18

Baling ngen nege adakce buurato, ize zin Ye̱su̱ ne, “Ka̱du̱wa̱kku̱ng anna zoz ci een de̱de̱, adawana atin e̱e̱ti̱ co̱de̱ ngatinno̱ng annita, e̱e̱t ci kadayina bu̱k.”

Marko 14:35

Baling oto do̱yo̱i̱t niko, u̱yu̱we̱ Ye̱su̱ kar kala Ta̱mu̱ta̱dde̱n abunna iróng i̱i̱te̱ni̱ ci daiz cinne iróng a̱kku̱nna̱k nonno.

Marko 14:40

Baling obodak enne demezyak, amuda nogo dee ming adunge, eci i̱di̱ngdi̱nge̱t ebere cigge̱k ungnyak. Iróng nege a̱gga̱ gi̱i̱ ci kar ku̱du̱kta̱k nonno.

Marko 14:42

Itingaz je̱e̱na̱! Kotozzo! A̱vvu̱ e̱e̱ti̱ ci adawana annit ngatu!”

Marko 7:9

Emena Ye̱su̱ zoza, izek nogo ne: “Ogonnu niga e̱le̱tti̱ izet ol cik egenyyu ngati odotiku ti̱lo̱wi̱ne̱t ci Ta̱mu̱ta̱dde̱no̱ lo̱o̱c kar u̱zu̱tte̱ keerani cuggo̱k.

Marko 9:31

eci enne edemez nuyak ciginnek. Izek zin enne nogo ne, “Ovvo atin ol adawa Ngerrti E̱e̱to̱ kar kanyozik azzine cik ol cik diirik. A̱ru̱k atin nege nonno, imma i̱i̱nya̱we̱ cik een i̱i̱yo̱ ingazi atin enne daiza.”

Kaviyak wak Abunna Ta̱mu̱ta̱dde̱no̱ eher Joni 12:23

O̱bo̱de̱k zin Ye̱su̱ nogo, izek ne, “I̱ki̱ya̱ i̱i̱ ci okko Ngerrti E̱e̱to̱ a̱di̱ngdi̱nga̱ne̱.

Kaviyak wak Abunna Ta̱mu̱ta̱dde̱no̱ eher Joni 12:27

Emena Ye̱su̱ zoza dee, kar bo̱do̱k kize ne, “I̱yo̱ko̱ u̱u̱c annit zinin oroot, kar ucca anna kize ne? ‘Baba eelawa annit i̱i̱ cu’? A̱zze̱ zin to, eci la̱du̱n anna ka̱kku̱ni̱ zo̱ze̱ ci i̱i̱ necu.

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 7:30

Orongit zin ol uggak ke̱ce̱bbi̱t nonno, ngen zin e̱e̱ti̱ imma ku̱u̱me̱k nonno a̱zzi̱t, ma̱rri̱t ming ngen ki̱ki̱ya̱ i̱i̱te̱ni̱ ci kar keceboi enne.

Kaviyak wak Abunna Ta̱mu̱ta̱dde̱no̱ eher Joni 8:20

Ozoz Ye̱su̱ zoz necu baling ngen enne edemze reene ci Ce̱e̱z wa Ta̱mu̱ta̱dde̱no̱, aave enne ojonun ki ngin wagon a̱ju̱ke̱ke̱ ol kaal wak amuce Ta̱mu̱ta̱dde̱n. Iróng zin e̱e̱ti̱ imma ngen eceb nonno, eci ngen i̱i̱ cinne kutube.

Buk wa To̱ni̱a̱u̱ 7:52

Anyak de̱de̱ da̱ a̱ri̱to̱i̱t ci ngen ji̱ji̱tu̱ggo̱k ki̱gi̱de̱t? U̱ru̱we̱t abarik nege a̱ri̱tto̱k wak a̱du̱wa̱ zoz ci a̱kku̱nne̱ E̱e̱ti̱ wa Abunna O̱de̱ ṯok. I̱yo̱ko̱ zin adayau niga nonno kar bo̱do̱k u̱ru̱we̱t nonno ka̱da̱k,