Marko 14:22 - Tennet

²² Baling ngen nege adakce, idima Ye̱su̱ umune, kar kanyik Ta̱mu̱ta̱dde̱n zany, kar kubunyan, kar zin kanyik nuyak waginnek, azi ne, “Adait, een necu ele cinanni.”

Marko 14:22 Iomraidhean Croise

Kananet 41:26

E̱e̱ggi̱n tiina cik adiye e̱e̱ggi̱n turgerem ko̱ e̱rki̱nya̱ turgerem, ovvo o̱o̱tti̱ cik labinu abunna ko̱ e̱e̱ggi̱n turgerem ko̱, e̱e̱ggi̱n e̱rki̱nya̱ turgerem bu̱k, een o̱no̱zi̱ co̱de̱ kar bo̱do̱k kutubto.

Ma̱te̱yo̱ 14:19

Kar enne ku̱du̱wa̱k ol ka̱vvu̱to̱ lo̱o̱ta̱ artene. Idima enne umunet tu̱r ki u̱lu̱g ram, kar zin kicin ta̱mu̱-keng, kar zin kala Ta̱mu̱ta̱dde̱n abunna ming a̱mu̱yu̱k da̱i̱ne̱t ne̱ko̱. U̱bu̱nya̱n zin umunet ne̱ko̱ ki u̱lu̱g kizeto idice. Engerek nuyak, kar nuyaha kengertek kollen do̱o̱k.

Marko 10:16

A̱gga̱m zin enne dooli azzine, kar katadek nogo azzin a̱mu̱yu̱k nogo do̱o̱k.

Marko 14:21

A̱da̱i̱ atin enne Ngerrti E̱e̱to̱ ki bali ming e̱he̱rye̱ Warage ci Ta̱mu̱ta̱dde̱no̱ ke̱. O̱lle̱ abarik ci e̱e̱t ci adawa Ngerrti E̱e̱to̱! Abunna weda ming iróng enne a̱rri̱ta̱i̱.”

Marko 14:23

Idima zin bo̱do̱k Ye̱su̱ uduc ci vi̱no̱, kar kanyik Ta̱mu̱ta̱dde̱n zany, kar zin kanyik demezyak, kar zin nege do̱o̱k kuudet.

Marko 14:24

A̱nne̱k enne nogo ne, “E̱e̱ggi̱n ne̱ko̱ bi̱ye̱ ciginnek olomo, kar ol cik meelek kurumtozik Ta̱mu̱ta̱dde̱n.

Marko 6:41

Idima Ye̱su̱ umunet ne̱k een tu̱r ko̱ ki u̱lu̱g ne̱k een rama ko̱, kar zin kicin ta̱mu̱-keng, anyik Ta̱mu̱ta̱dde̱n zany kar zin kubunyan umunet ne̱ko̱. Anyik zin enne nuyak waginnek kezedantek ol orgena. Kar bo̱do̱k enne kengerek nogo u̱lu̱g do̱o̱k.

Lu̱ka̱ 22:17

Baling idima enne uduc, kar kaanyik Ta̱mu̱ta̱dde̱n zany kar kize ne, “Idimtta cu kar engerttek e̱le̱tti̱ cuggo̱k.

Lu̱ka̱ 24:30

Baling okko enne aave ki nogo ngati da̱i̱nto̱, idima enne umune, aanyik Ta̱mu̱ta̱dde̱n zany, engera kar kaanyik nogo.

Kaviyak wak Abunna Ta̱mu̱ta̱dde̱no̱ eher Joni 6:23

Ma̱i̱je̱ bo̱do̱k i̱vi̱tta̱k i̱be̱tta̱ uggak ti̱ti̱m, a̱vvu̱ o̱rge̱ ci een Tiberias, a̱vvu̱na̱k ti̱ti̱m bali adahe ol da̱i̱ne̱t ngati aanyik Manyi Ye̱su̱ Ta̱mu̱ta̱dde̱n zany.

1 Ko̱ri̱nto̱ 10:4

kar kuudet maam cik aanyik Ta̱mu̱ta̱dde̱n nogo. Iyowa maama ne̱ke̱ biya, een bee neci Ki̱ri̱sto̱.

Ga̱la̱ti̱a̱ 4:25

Ogon buuwecci ci een Hagar ki bee ci een Sinai bali aanyik Ta̱mu̱ta̱dde̱n ol lo̱ti̱nno̱k ke̱, lo̱o̱ce̱ ci een zara Arabiya, i̱ya̱bzo̱ni̱k orog ci Jerusalemi, eci ol ne̱ke̱ do̱o̱k e̱e̱ggi̱n du̱cca̱k.