Marko 14:18 - Tennet

¹⁸ Baling ngen nege adakce buurato, ize zin Ye̱su̱ ne, “Ka̱du̱wa̱kku̱ng anna zoz ci een de̱de̱, adawana atin e̱e̱ti̱ co̱de̱ ngatinno̱ng annita, e̱e̱t ci kadayina bu̱k.”

Marko 14:18 Iomraidhean Croise

Ma̱te̱yo̱ 26:21

Imma bali da̱i̱nte̱, iizek zin Ye̱su̱ nogo ne, “Ka̱du̱wa̱ zoz ci een de̱de̱, anyak e̱e̱t imma ngatinno̱ng ci okko atin adawanan.”

Ma̱te̱yo̱ 5:18

Ka̱du̱wa̱kku̱ng zoz wa een de̱de̱ okko atin ta̱mu̱-kengi ki lo̱o̱c a̱zze̱. Ku̱du̱wa̱ anna iróng atin gi̱i̱ imma a̱zze̱ lo̱ti̱nno̱we̱ ne̱ko̱. Abarik akati atin lo̱ti̱nno̱wa̱ wak e̱he̱rye̱ Buwe ci Ta̱mu̱ta̱dde̱no̱ ko̱ mo̱o̱le̱t.

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Marko 10:15

Ka̱du̱wa̱kku̱ng zoz ci een de̱de̱, ming iróng e̱e̱ti̱ imma elemi ba̱a̱li̱ne̱t ci Ta̱mu̱ta̱dde̱no̱ ki i̱yo̱ko̱ dooli cik kidik ko̱, iróng atin enne i̱i̱zo̱ ba̱a̱li̱ne̱t neci.”

Marko 10:29

Kar zin Ye̱su̱ kobodek nogo, azi ne, “Ka̱du̱wa̱kku̱ng zoz ci een de̱de̱, ming anyak e̱e̱t co̱de̱ ci ungnek ce̱e̱z cinne icima gotonoggi icima ngonoggi icima yaatinne icima baatinne icima dooli ciginnek icima i̱jjo̱, eci enne azunne zoz cinanni ki kaviyak cik abunna Ta̱mu̱ta̱dde̱no̱,

Marko 14:17

Ma baling ize looci yo̱mo̱n, i̱vi̱ta̱ Ye̱su̱ ki demezyak omoto ki ram.

Marko 14:19

Omozte demezyaha oroot, u̱du̱kta̱k zin nonno ngene e̱co̱de̱ e̱co̱de̱, “Iróng een annita Manyi?”

Marko 14:25

Ka̱du̱wa̱kku̱ng zin zoz ci een de̱de̱, iróng atin anna bo̱do̱k kaudi merte cu udut zee kuk kuud merte ci een jor ba̱a̱li̱nte̱ ci Ta̱mu̱ta̱dde̱no̱.”

Marko 14:9

Ka̱du̱wa̱kku̱ng zin zoz ci een de̱de̱, ming uwahe kaviyaha cik abunna lo̱o̱cco̱k do̱o̱k, okko gi̱i̱ ci u̱tu̱gu̱ ngaa necu ikeb kize zoz ci aadane ol nonno.”

Marko 3:28

Ka̱du̱wa̱kku̱ng zoz ci een de̱de̱, alalnek atin Ta̱mu̱ta̱dde̱n mu̱nye̱n cik ollu ki zoz ci odome nege Ta̱mu̱ta̱dde̱n.

Marko 6:11

Ming iróng orogi a̱gga̱ma̱nu̱ng icima aziye zoz cunno̱ng, u̱tu̱ru̱rta̱ todowa zone kar kize neci gi̱i̱ ci i̱ye̱la̱ ming aburnnu niga nong ngatinne̱ng.”

Marko 8:12

U̱vu̱da̱k Ye̱su̱ oroot kar kize ne, “Nya ming a̱jji̱n bu̱u̱l cu kaal cik a̱vu̱la̱ ta̱mu̱-kenga ko̱? Ka̱du̱wa̱kku̱ng zoz ci een de̱de̱, i̱llo̱i̱ atin baayenit ci anyonikkung.”

Marko 9:1

Emena zin Ye̱su̱ zoza a̱nne̱k nogo ne, “Ka̱du̱wa̱kku̱ng zoz ci een de̱de̱, anyak ol u̱gge̱ cik abile ngatu iróng atin atari daiz ming ngen kicinnet ba̱a̱li̱ne̱t ci Ta̱mu̱ta̱dde̱no̱ ming a̱kku̱ doiza.”

Marko 9:41

Ka̱du̱wa̱kku̱ng zoz ci een de̱de̱, ming a̱a̱nyu̱ng e̱e̱ti̱ imma maam uduca zare cigannik eci e̱e̱ggi̱nnu̱ niga olli Ki̱ri̱sto̱, amuc atin Ta̱mu̱ta̱dde̱n nonno.”

Lu̱ka̱ 11:51

akane bi̱ye̱te̱ cik Abeli ki̱ki̱ya̱ rok Zakaria, bali a̱ru̱we̱ orgene ci i̱te̱le̱ ki Ce̱e̱z wa Ta̱mu̱ta̱dde̱no̱ ke̱. De̱de̱, ka̱du̱wa̱kku̱ng anna i̱ge̱ta̱, a̱gi̱lo̱ni̱k atin zoz cu o̱o̱tti̱ cik bu̱u̱l cu do̱o̱k.

Lu̱ka̱ 22:21

Ma̱i̱je̱ a̱zzi̱ti̱ ci e̱e̱t ci okko atin adawana annit ko̱ kaavtte ki nonno kozol da̱i̱ne̱t ngatu.

Lu̱ka̱ 4:24

Emena enne zoza dee, “Ka̱du̱wa̱kku̱ng zoz ci een de̱de̱, i̱llo̱i̱ a̱ri̱to̱i̱t ci zoz ci Ta̱mu̱ta̱dde̱no̱ elemi ol o̱rge̱ cinne.

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 13:18

Izek zin Ye̱su̱ nogo ne, “Iróng zoz necu akati i̱ge̱t do̱o̱k, ka̱gga̱ ol balik katahala ke̱. Ogone zin zoz necu kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, ‘Adawana e̱e̱ti̱ ci kozola da̱i̱ne̱t bu̱k.’

Kaviyak wak Abunna Ta̱mu̱ta̱dde̱no̱ eher Joni 13:21

Baling u̱du̱wa̱ Ye̱su̱ zoz necu, icirit nonno zinin oroot kar zin kibborak nogo zoz neci, izek ne, “Ka̱du̱wa̱kku̱ng zoz wa een de̱de̱, okko atidic e̱e̱ti̱ imma ngatinno̱ng adawana annita.”

Kaviyak wak Abunna Ta̱mu̱ta̱dde̱no̱ eher Joni 13:22

Egelemit zin nuyaha ciginnek e̱le̱tti̱, iróng a̱gga̱ ngene ucca ngatinne̱ng ci arruk enne ko̱.

Kaviyak wak Abunna Ta̱mu̱ta̱dde̱no̱ eher Joni 13:38

O̱bo̱de̱k zin Ye̱su̱ nonno, “A̱da̱i̱ wo̱ye̱ atin i̱nna̱ de̱de̱ zo̱ze̱ cinanni? Ka̱du̱wa̱ki̱ zoz ci een de̱de̱, ming a̱jji̱nni̱ atin ol i̱nne̱ta̱ zoz cinanni amikzena atin i̱nna̱ annit lak i̱i̱yo̱ ming ngen tuulici korok!”

Kaviyak wak Abunna Ta̱mu̱ta̱dde̱no̱ eher Joni 21:18

Ka̱du̱wa̱ki̱ anna i̱nne̱t zoz ci een de̱de̱: Baling ngen e̱e̱ni̱ i̱nna̱ idica, aburcek i̱nna̱ ele ru̱u̱m kar bit ngati orongi i̱nna̱. Imma i̱yo̱ko̱ ming ize ma̱ti̱yo̱c, a̱gga̱m ol azzin cigunnek. Aburceki e̱e̱ti̱ imma i̱nne̱t ru̱u̱ma̱ni̱, kar zin kuwuyi ngati iróng i̱nna̱ orongi bite.”

Kaviyak wak Abunna Ta̱mu̱ta̱dde̱no̱ eher Joni 3:11

Ka̱du̱wa̱kku̱ng zoz ci een de̱de̱, koobekkung zoz ci ka̱gga̱yya̱, kibbaca kaal wak kicinnta. Ma̱i̱je̱ niga iróng orongnyu iziyyet zoz cinna̱ng.

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 6:26

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, iróng niga orongnyang ma̱rri̱t ming ku̱tu̱gu̱ anna kaal cik a̱vu̱la̱. Orongnyang, eci niga adakttu da̱i̱ne̱t atanyarttu.

Kaviyak wak Abunna Ta̱mu̱ta̱dde̱no̱ eher Joni 6:32

Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 6:70

O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”