Marko 14:1 - Tennet

¹ I̱yo̱ko̱ ize i̱i̱nya̱ cik anyigzai oowa ram kar ol kadakte I̱i̱te̱n wa Va̱rda̱ngi̱nto̱, ki Kwo̱o̱r wa Umunet wak iróng Amukcari. Orongit zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱ gool ci kar kecebte Ye̱su̱ lo̱mu̱k kar ku̱ru̱we̱t nonno ka̱da̱k.

Marko 14:1 Iomraidhean Croise

Kananet 37:18

Ma̱i̱je̱ gotonoggja icinnet nonno meer reena, baling ngen enne kuzuca nogo, ozozzit nege kar atin ku̱ru̱we̱t nonno.

Lu̱ge̱z 12:1

Ozozik Manyi Muses ki Aaron Masire,

Ma̱te̱yo̱ 12:14

Oot zin olli Varacisi reena, orongit gool ci adawe nege Ye̱su̱ kar ku̱ru̱we̱t ka̱da̱k.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Marko 14:12

Imma i̱i̱te̱ne̱ wa akanane Kwo̱o̱r wa Umunet wak iróng Amukcari, baling ize keer ci otongde ol nyoon ci a̱zze̱to̱ Va̱rda̱ngi̱nto̱, i̱jji̱nne̱t zin nuyaha cik Ye̱su̱ nonno, izektek ne, “Orongnyet i̱nna̱ agit koot kidimanta da̱i̱ne̱t cik I̱i̱te̱n wa Va̱rda̱ngi̱nto̱ nga?”

Marko 14:2

Izeto zin nege ne, “Iróng kogon i̱i̱te̱ne̱ ci kwo̱o̱ro̱, ovvo atin ol avaraci.”

Kaviyak wak Abunna Ta̱mu̱ta̱dde̱no̱ eher Joni 11:47

U̱tu̱ya̱ zin alaata cik olli wawaco ki Varacis zu̱we̱ ro̱ni̱ ci lo̱ki̱ko̱. Kar kizeto ne, “Ku̱tu̱gu̱z nya? U̱tu̱gu̱ e̱e̱ti̱ necu kaal cik a̱vu̱la̱ meelek giir.

Kaviyak wak Abunna Ta̱mu̱ta̱dde̱no̱ eher Joni 13:1

Ma baling ize ojon I̱i̱te̱ni̱ wa Va̱rda̱ngi̱nto̱, a̱gga̱ Ye̱su̱ niko ming i̱ki̱ya̱ i̱i̱ ci okko enne okko ta̱mu̱-kenga ngati Baatinne. Irez enne odohize ol waginnek lo̱o̱ta̱ ko̱, i̱ye̱le̱k zin enne nogo rezinet cinne oroot.

Buk wa To̱ni̱a̱u̱ 12:4

Baling eceb enne nonno aarik lagam, kar zin kanyik aciir cik e̱e̱ggi̱n omoto ki torkonom kebeit nonno. Orong He̱ro̱di̱ kar kanyaha Peturu orgen ci ollu do̱o̱k ming e̱de̱cca̱ I̱i̱te̱n wa Va̱rda̱ngi̱nto̱ atidic.