Marko 13:9 - Tennet

⁹ “Abunna zin niga bu̱k ming ebekku e̱le̱tti̱. A̱gga̱mnyu̱ng atin ol ovvoyyung lo̱ki̱ka̱ kar kecebtung Ce̱e̱zi̱nne̱ wak Lawinto. Imma zo̱ze̱ cinanni, ovvo atin niga abilnnu ngati ddi̱ki̱ryyo̱k ki alaat ibbaceku zoz cinanni nogo.

Marko 13:9 Iomraidhean Croise

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 1:44

“Abunna ming a̱gga̱, ma a̱du̱wa̱k zoz necu e̱e̱t imma. Abarik, bit ye̱le̱k ele cunne e̱e̱t ci wawaco Ce̱e̱ze̱ wa Ta̱mu̱ta̱dde̱no̱ kar pahek wawa ki bali ming a̱du̱wa̱ Musesi ke̱, kar morizi cunne ki̱ti̱vi̱la̱i̱, kar ol do̱o̱k ka̱gga̱c.”

Marko 13:5

Izek zin Ye̱su̱ nogo ne, “Icinto ju̱rru̱m kar iróng e̱e̱ti̱ imma alabanung.

Marko 13:8

Ooro atin looci cu ki lo̱o̱c ci, okko alaani cu ooro ki alaan ci. Omoti atin looci kize ki̱ri̱ki̱ri̱k lo̱o̱co̱we̱ cik aavtte do̱ do̱, i̱i̱na̱k atin magiz ol. Een necu kananet ci amudanne ol u̱u̱ce̱z.

Marko 6:11

Ming iróng orogi a̱gga̱ma̱nu̱ng icima aziye zoz cunno̱ng, u̱tu̱ru̱rta̱ todowa zone kar kize neci gi̱i̱ ci i̱ye̱la̱ ming aburnnu niga nong ngatinne̱ng.”

Lu̱ka̱ 9:5

Ming iróng ol cik o̱rgu̱ a̱gga̱ma̱nu̱ng i̱ge̱ta̱, u̱tu̱ru̱rta̱ tu̱du̱wa̱c zoone ciggo̱k ming ovvo niga ungneku orog cinne̱ng lo̱o̱c, kize zoz ci aburnnu niga nong.”

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Buk wa To̱ni̱a̱u̱ 21:11

Ma baling i̱ki̱ya̱ rok agita, idima nyakadingo ci Pa̱u̱lo̱ kar zin kecebe azzin ki zo̱o̱ ciginnek, kar zin kize ne, “Azi Vongizi ci A̱li̱le̱ ne, ‘Eceb atin Ya̱u̱di̱ cik Jerusalemo manyi nyakadingo cu ki i̱yo̱ko̱, kar zin kaanycik ol wak iróng een Ya̱u̱d.’”

Buk wa To̱ni̱a̱u̱ 7:54

Baling iziyyet ol wak etted zoz ko̱ zoz ci Stepheni niko, utuburtek nonno nong oroot, kar zin kubbucet ngatinne.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

2 Te̱se̱lo̱ni̱ka̱ 1:5

A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.

2 Jon 1:8

U̱zu̱tte̱ li̱ngli̱ngo̱n bali a̱li̱ngli̱ngnyu̱ niga ke̱. Ming u̱zu̱ttu̱, kar abunna atin a̱ma̱yu̱kku̱ng Ta̱mu̱ta̱dde̱n kar ka̱a̱nyu̱ng kaal cik orong enne ka̱a̱nyu̱ng i̱ge̱ta̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.