Marko 13:34 - Tennet

³⁴ Atubo zoz necu ki e̱e̱t ci eroni: Ungnek enne kaal ce̱e̱z cinne kar kaanyik du̱cca̱k u̱gge̱ kebeit, ngen ngene ki li̱ngli̱ngo̱n cinne, kar ku̱du̱wa̱k e̱e̱t ci aave arana ko̱ kere manyi ce̱e̱z.

Marko 13:34 Iomraidhean Croise

Ma̱te̱yo̱ 16:19

Kaanyi atin jooro cik oowe i̱nna̱ ba̱a̱li̱ne̱t ci ta̱mu̱-kengo; ming ecebju niga zoz lo̱o̱ta̱ ngatu, e̱ce̱bje̱ ta̱mu̱-kenga bu̱k, ming oogju niga zoz lo̱o̱ta̱ ngatu, oogje ta̱mu̱-kenga bu̱k.”

Kaviyak wak Abunna Ta̱mu̱ta̱dde̱no̱ eher Joni 10:3

Oowek e̱e̱ti̱ ci ebekce bo̱ngi̱ta̱ tuwayoit eeza, kar zin eezena kiziyet muluk cinne ming awe. Awu enne eeza ciginnek zare, bak aziye, a̱vvu̱na̱k nonno kar zin gon kuuwe geen.

Roma 13:6

Abunna zin ming a̱ru̱we̱kku̱ mucuru alaat. Een alaata du̱cca̱k cik Ta̱mu̱ta̱dde̱no̱, een li̱ngli̱ngo̱ni̱ cinne̱ng ci a̱li̱ngli̱nge̱k Ta̱mu̱ta̱dde̱n ngati abale ol ciginnek.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

Kolosiya 3:24

Ki i̱yo̱ko̱ ming a̱gga̱yyu̱ niga ko̱ ovvo atin niga amudannu kaal cik aragizu ngati Manyi, a̱li̱ngli̱ngngo̱ni̱kku̱ zin niga Manyi Ki̱ri̱sto̱, abunna ming a̱gga̱yyu̱ okko atin enne amuccu̱ng.

Kolosiya 4:1

Imma niga ma̱ci̱gi̱ du̱cca̱k, abunna ming a̱ti̱ri̱zu̱ du̱cca̱k cuggo̱k ju̱rru̱m, eci a̱gga̱yyu̱ anyakku niga bu̱k Manyi ta̱mu̱-kenga.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.