Marko 13:11 - Tennet

¹¹ Ming a̱gga̱mnyu̱ng ol kar zin kanyaktaung lo̱ki̱ko̱, ma o̱ngo̱o̱li̱nnu̱ zoz ci a̱du̱wa̱nnu̱. Du̱wa̱ zoz ci a̱jji̱n nege i̱i̱te̱n neci, eci amire ki i̱ge̱t cik ozozu, abarik ozoz Vongizi ci A̱li̱le̱.

Marko 13:11 Iomraidhean Croise

Ma̱te̱yo̱ 10:17

Igenyit zin olle wak ovvoyyung atin lo̱ki̱ka̱ kar kecebtung lagama kar ki̱bi̱ccu̱ng Ce̱e̱zi̱nne̱ wak Lawinto alutene nege.

Marko 13:12

“Adawa atin gotoniya gotoni ka̱da̱k, kar be̱e̱ti̱ ollu adawa ngerinne ka̱da̱k. A̱ku̱l atin dooli o̱o̱tti̱ iróng ngen aziye zoz cik e̱e̱ti̱gge̱k ki be̱e̱ti̱gge̱k kar ku̱ru̱we̱t ciko baatinne ka̱da̱i̱to̱.

Marko 13:9

“Abunna zin niga bu̱k ming ebekku e̱le̱tti̱. A̱gga̱mnyu̱ng atin ol ovvoyyung lo̱ki̱ka̱ kar kecebtung Ce̱e̱zi̱nne̱ wak Lawinto. Imma zo̱ze̱ cinanni, ovvo atin niga abilnnu ngati ddi̱ki̱ryyo̱k ki alaat ibbaceku zoz cinanni nogo.

Lu̱ka̱ 21:12

“Ma̱i̱je̱ ming ngen kaala ne̱ko̱ ka̱ka̱tte̱, a̱gga̱mnyu̱ng ol azzine kar ki̱gi̱ddu̱ng. Ovvoyyung lo̱ki̱ka̱ kar ku̱ju̱kte̱u̱ng lagam, ovvoyyung alaate Ce̱e̱zi̱nne̱ wak Lawinto zo̱ze̱ cinanni.

Kaviyak wak Abunna Ta̱mu̱ta̱dde̱no̱ eher Joni 3:27

O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Buk wa To̱ni̱a̱u̱ 2:4

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Buk wa To̱ni̱a̱u̱ 6:10

abarik iróng nege uule ka̱da̱ngi̱t nonno zo̱ze̱ ci genyizo ki Vongiz ci A̱li̱le̱ ozoze enne ko̱.

Buk wa To̱ni̱a̱u̱ 6:15

Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.

Buk wa To̱ni̱a̱u̱ 7:55

Imma bali Stepheni anyak Vongiz ci A̱li̱le̱ ju̱rru̱m, egelem ta̱mu̱-keng kar kicin di̱ngdi̱ngo̱n ci Ta̱mu̱ta̱dde̱no̱, ki Ye̱su̱ ming abile ngati Ta̱mu̱ta̱dde̱no̱ a̱tte̱ ci a̱zzo̱.

1 Ko̱ri̱nto̱ 2:13

Okko zoz ci kozoz naga ko̱ do̱o̱k, iróng een de̱mzi̱ne̱t ci anyaha genyizi ci e̱e̱t ci diiri, abarik edemezet Vongizi ci Ta̱mu̱ta̱dde̱no̱, edemezet zoz ci Vongizo wa een de̱de̱.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.