Marko 13:10 - Tennet

¹⁰ Imma ngen looci kuṯurei, abunna ming uwahekku kaviyak cik abunna arrak ol lo̱o̱co̱we̱ do̱o̱k.

Marko 13:10 Iomraidhean Croise

Ma̱te̱yo̱ 12:41

Ma zin atin i̱i̱te̱ne̱ ci okko Ta̱mu̱ta̱dde̱n ettedik ol lo̱ki̱ko̱ ke̱, ovvo zin atin ol cik een Nineveh abile lo̱ki̱ka̱ ki bu̱u̱l necu, eci ol wak Nineveh utungtek ba̱ci̱nno̱k lo̱o̱c zo̱ze̱ bali uwahek Jonah nogo ke̱. Een zin bali Jonah e̱e̱t ci riili, aave zin e̱e̱ti̱ ci riili oroot kommog Jonah ngatu.

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Marko 16:15

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.