Marko 12:5 - Tennet

⁵ I̱tto̱n zin enne bo̱do̱k du̱ca̱i̱t imma, u̱ru̱we̱t zin ol ne̱ke̱ nonno ka̱da̱k. I̱tto̱n zin manyi ma̱na̱ du̱cca̱k cik meelek; u̱ru̱we̱t zin nege u̱gge̱, u̱ru̱we̱t bo̱do̱k u̱gge̱ ka̱da̱i̱to̱.

Marko 12:5 Iomraidhean Croise

Ma̱te̱yo̱ 22:6

A̱gga̱mi̱t zin ol ne̱ke̱ uggak du̱cca̱k kar kodomit nogo bak a̱ru̱k ka̱da̱i̱to̱.

Ma̱te̱yo̱ 23:37

Ilal Ye̱su̱ azi ne, “Olli Jerusalemi, olli Jerusalemi, ol cik u̱ru̱we̱t a̱ri̱tto̱k cik zoz ci Ta̱mu̱ta̱dde̱no̱ kar bo̱do̱k kovoccit du̱cca̱k biyene! Korongi gon ba̱li̱ye̱ kulut dooli ciggo̱k nga̱to̱de̱ kiwagon tuulici ming aluttek jooro ciginnek ṯaba, abarik iróng niga elemnyyu.

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Marko 12:4

I̱tto̱na̱k zin manyi ma̱na̱ du̱ca̱i̱t imma nogo; u̱ke̱t zin nege du̱ca̱i̱t necu oo kar ku̱tu̱gu̱zzo̱ nonno gerzet.

Marko 12:6

“Anyak e̱e̱t co̱de̱ ci kar ki̱tto̱n, een neci ngerinne, ci irez enne oroot. Kar zin enne ki̱tto̱n nonno vu̱rrta̱, azi ne, ‘O̱ngo̱o̱le̱ atin nege ngeranni.’

Marko 9:13

Abarik ka̱du̱wa̱kku̱ng, i̱ki̱ya̱ E̱li̱ja̱, u̱tu̱gu̱zze̱k nege nonno kaal cik gerzek orong nege ki bali ming e̱he̱rye̱ zoz ci obod ki nonno ko̱.”

Lu̱ka̱ 6:36

Izet ol cik amanikku ol ki Be̱e̱ti̱nno̱ng wa aave ta̱mu̱-kenga.”