Marko 12:37 - Tennet

³⁷ Awu Da̱vi̱de̱ eliya nonno kize ‘Manyi.’ Okko wo̱ye̱ enne bu̱k een ngerinne ku̱?” Ataltto ol cik meelek balik iziyyet nonno ming ozoz ke̱.

Marko 12:37 Iomraidhean Croise

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 21:45

Baling iziyyet alaata cik olli wawaco Ce̱e̱ze̱ wa Ta̱mu̱ta̱dde̱no̱ ki ol wak een Varacis tubzenet cik Ye̱su̱ ko̱ do̱o̱k, a̱gga̱c niko aaruk Ye̱su̱ nogo.

Ma̱te̱yo̱ 21:46

Orongit zin nege ke̱ce̱bbi̱t Ye̱su̱, ma̱i̱je̱ nege o̱ngo̱o̱le̱ kar ke̱ce̱bbi̱t nonno, eci zu̱we̱ a̱gga̱ een enne a̱ri̱to̱i̱t de̱de̱.

Lu̱ka̱ 19:48

Iróng zin nege ngen amuda gool ci kar ku̱ru̱kte̱ nonno, eci ol do̱o̱k elemtta zoz cinne.

Lu̱ka̱ 21:38

kar ol do̱o̱k ki̱vi̱ta̱ nge̱rre̱t ri̱ri̱wo̱na̱ kiziyet zoz cinne Ce̱e̱ze̱ wa Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 12:9

Baling iziyyet koole ci a̱ppwe̱ Ya̱u̱do̱ Ye̱su̱ ming aave o̱rge̱ ci een Bethany, oot zin nginati, iróng nege ovvo nginati zo̱ze̱ ci Ye̱su̱ do̱, abarik ovvo acin Lazaru bali ingane Ye̱su̱ nonno daiza ke̱.

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”