Marko 12:14 - Tennet

¹⁴ I̱vi̱tta̱k zin nege nonno kar zin kizettek ne, “De̱me̱zo̱i̱t, ka̱gga̱yi̱ gon naga e̱e̱ni̱ i̱nna̱ e̱e̱t ci abunna. Iróng e̱e̱ti̱ imma alabanin, eci i̱nna̱ irezi ol do̱o̱k. Abarik edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ ci een de̱de̱. Abunna zin ming ka̱ru̱we̱ka̱ mucuru alaan ci a̱ddi̱ki̱re̱ Romi yo, gerza da̱?

Marko 12:14 Iomraidhean Croise

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 22:17

I̱yo̱ko̱ du̱wa̱kke̱ta̱, i̱no̱ni̱ i̱nna̱ nya zo̱ze̱ cu? Abunna ka̱ru̱we̱ka̱ mucuru alaan ci a̱ddi̱ki̱re̱ Romi yo icima da̱ gerza?”

Marko 12:13

Imma bali vu̱rrta̱, i̱tto̱nta̱ zin olli Varacisi u̱gge̱ ki olli alaan He̱ro̱di̱ ol u̱gge̱ abunna ovvo a̱gga̱m Ye̱su̱ zo̱ze̱ ci ozoz enne utuga.

Marko 12:15

Ku̱ru̱kta̱ mucuru yo, icima gerza ming iróng ka̱ru̱ka̱?” Abarik Ye̱su̱ a̱gga̱ ming a̱ru̱k nege talaben. Ize ne, “Nya ming orongnyu alabtang ko̱? Anyaktang o̱ro̱bi̱ya̱c imma ci een zi̱i̱t kicino.”

Marko 14:45

Ozorowak zin Judasi Ye̱su̱, kar kizek ne, “De̱me̱zo̱i̱t!” Kar kucucu nonno.

Lu̱ka̱ 20:22

Abunna ngatinna ming ka̱ru̱we̱ka̱ mucuru alaan ci a̱ddi̱ki̱re̱ Romi yo icima gerza?”

Lu̱ka̱ 23:2

Kar ka̱ka̱tte̱ kovolongte nonno, kizeto ne, “Karubanna e̱e̱t cu ming orong ki̱li̱b lo̱o̱c cinna. Adang enne zoz ci a̱ru̱we̱k ol mucuru alaan ci a̱ddi̱ki̱re̱ Romi, kar kize ne ke̱e̱ni̱ enne Ki̱ri̱sto̱, alaan.”

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

Roma 13:6

Abunna zin ming a̱ru̱we̱kku̱ mucuru alaat. Een alaata du̱cca̱k cik Ta̱mu̱ta̱dde̱no̱, een li̱ngli̱ngo̱ni̱ cinne̱ng ci a̱li̱ngli̱nge̱k Ta̱mu̱ta̱dde̱n ngati abale ol ciginnek.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 2:2

Ming ka̱a̱nyu̱ng anna eliya utuburet nong, i̱llo̱i̱ e̱e̱t imma ci aanya katalo, i̱ge̱t do̱ niko cik ka̱a̱nyu̱ng anna utuburet nong ko̱, i̱ge̱t do̱ niko cik aanyang katalo.

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

2 Ko̱ri̱nto̱ 5:11

Ki i̱yo̱ko̱ ming ka̱gga̱ naga zoz ci ko̱ngo̱o̱li̱ne̱ Manyi ko̱, korongnyya la̱du̱n kanyakta ol Manyi. A̱gga̱ Manyi baiz cinna ki kaal cik kedemez naga ko̱, karike zin anna zinin a̱gga̱yyu̱ niga bu̱k baiz cinna̱ng.

2 Ko̱ri̱nto̱ 5:16

I̱yo̱ko̱ zin, ka̱gga̱yya̱ irez Ki̱ri̱sto̱ ol do̱o̱k, iróng zin naga ngen ki̱no̱na̱ ki ol do̱o̱k, ngati ol ne̱k ngen kelemtta zoz ci Ta̱mu̱ta̱dde̱no̱ ko̱. Baling ngen naga kelemtta zoz ci Ki̱ri̱sto̱, ki̱no̱ni̱ zoz cinne ki ol wak ngen kelemtta. Iróng zin naga i̱yo̱ko̱ ngen ki̱no̱na̱ kiwagon ba̱li̱ye̱ ke̱.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Ga̱la̱ti̱a̱ 2:6

Imma Jerusalema, anyak alaat wak riilik Ce̱e̱ze̱ wa Ta̱mu̱ta̱dde̱no̱, i̱llo̱i̱ wo̱ye̱ gi̱i̱ imma ci otornik nege de̱mzi̱ne̱t cinanni ko̱, eci ol do̱o̱k atubo ngu̱me̱ ci Ta̱mu̱ta̱dde̱no̱.

1 Te̱se̱lo̱ni̱ka̱ 2:4

Kuwaktteung naga i̱ge̱t zoz ci Ta̱mu̱ta̱dde̱no̱ ki bali ming atahalait enne ke̱ kar kaanyyet li̱ngli̱ngo̱n ci kuwaheka ol kaviyak cik abunna. Iróng korongnya katanantta ol cik diirik, Ta̱mu̱ta̱dde̱n do̱ niko. Eci enne a̱gga̱ zi̱nze̱tti̱ cigga̱k.