Marko 11:25 - Tennet

^25-26 Ming okko i̱nna̱ lawinet Ta̱mu̱ta̱dde̱n, kar bo̱do̱k ngatu anyahonu dango da̱ ki e̱e̱t imma, abunna ming alalneke nonno mu̱nye̱n ciginnek arrak, kar Baatunne wa aave ta̱mu̱-kenga kalalei i̱nne̱t mu̱nye̱n bu̱k.”

Marko 11:25 Iomraidhean Croise

Ma̱te̱yo̱ 5:23

“I̱yo̱ko̱ zin ming okko i̱nna̱ anyike muci i̱te̱le̱ ci Ta̱mu̱ta̱dde̱no̱ imma ngatu anyahonu ki goonu imma no̱ngi̱tto̱n,

Ma̱te̱yo̱ 6:12

Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 18:13

“Ma̱i̱je̱ e̱e̱ti̱ wa aluta mucuru olle ko̱, ibil reena. Iróng enne bu̱k acin ta̱mu̱-keng, abarik akati culum kar kize ne, ‘Ta̱mu̱ta̱dde̱n, inya annit deten, e̱e̱t ci mu̱nye̱nu̱.’

Lu̱ka̱ 6:37

“Ma ettedekku ol lo̱ki̱ko̱, kar atin iróng Ta̱mu̱ta̱dde̱n ettedekkung lo̱ki̱ko̱ bu̱k. Ma a̱gga̱mnyu̱ zoz ci gerze ollu, abunna atin Ta̱mu̱ta̱dde̱n iróng a̱gga̱me̱kku̱ng zoz ci gerze. Alaltek ol kaale cik gerzek, kar atin Ta̱mu̱ta̱dde̱n kalaleung i̱ge̱t bu̱k.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Kolosiya 3:13

Abait ki ol do̱o̱k yahe. Alaltek e̱le̱tti̱ cuggo̱k, ming abac e̱e̱ti̱ zoz imma, ming omozinnu niga nu̱nu̱n zo̱ze̱ cinne, alaltek. Alaltek ol ki baling alaleung Manyi i̱ge̱ta̱ ke̱.

Je̱mi̱s 2:13

eci te̱di̱ne̱t lo̱ki̱ko̱ ci gerze okko ngati e̱e̱t ci iróng anyak deten. Ommog zin deteni lo̱ki̱ko̱.

O̱no̱zzo̱k 11:4

Ogon bbacaha ne̱k e̱e̱ggi̱n rama ko̱ ki keena cik i̱ngi̱ro̱u̱ ki ngintik abilne urezwana een rama, abile ngu̱me̱ ci Manyi ci abal lo̱o̱c do̱o̱k.