Marko 11:23 - Tennet

²³ Ka̱du̱wa̱ki̱ zoz ci een de̱de̱, ming a̱nne̱k e̱e̱ti̱ imma bee necu ne, ‘Tinga, bit ju̱ke̱k ele nyatapar ci a̱ddi̱ki̱re̱,’ imma ngatu iróng anyak zi̱nze̱tti̱ rama, abarik elemi zoz ci a̱du̱wa̱ enne ko̱ okko akati mo̱o̱le̱t, ogonek atin Ta̱mu̱ta̱dde̱n nonno.

Marko 11:23 Iomraidhean Croise

Ma̱te̱yo̱ 14:13

Baling izik Ye̱su̱ daiz ci Joni, uk zin enne etted nyatapar kar kuk ngati iróng ol acine nonno. Iziyyet zin ol ming oto enne, kar zin ol kunuwet nonno zoone o̱ro̱gjo̱we̱.

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Lu̱ka̱ 17:6

O̱bo̱de̱k zin enne nogo, “Ming anyakku niga tu̱we̱ne̱t ci dici oroot ku̱tu̱gu̱ ki laziyenti, a̱nne̱kku̱ wo̱ye̱ niga keet ci a̱ddi̱ki̱re̱ ko̱ ne, ‘Duca ele cunne ngatu kar bit rirek ele nyatapar ci a̱ddi̱ki̱re̱,’ kar atin keet neci kizik zoz cunno̱ng.

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.