Marko 10:32 - Tennet

³² Baling ovvo Ye̱su̱ ki nuyak ciginnek ovvo Jerusalema, owo Ye̱su̱ o̱o̱we̱ cinne̱ng. A̱bba̱ri̱te̱t zi̱nze̱tti̱ cik demezyak ciginnek ko̱, imma ol balik annu nogo ke̱ o̱to̱ngo̱o̱ltte̱ nege bu̱k. Utu zin Ye̱su̱ demezyak omoto ki rama abanyca kar ku̱du̱wa̱k nogo zoz ci atin ogononik ol nonno Jerusalema.

Marko 10:32 Iomraidhean Croise

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Marko 1:27

A̱ma̱li̱ltte̱ ol ne̱ke̱ do̱o̱k o̱o̱tti̱, kar ki̱jji̱nto̱: “Nya necu? De̱mzi̱ne̱t ci een jor ki doiz! Egerenyek abarik kuulo cik lo̱rye̱nta̱k bak o̱ngo̱o̱le̱ nonno.”

Marko 4:34

Ngen enne kozozik ol ollin, ozoz yabzinta. Ma̱i̱je̱ ming a̱vvu̱to̱ enne ki nuyak ciginnek, oobek u̱nge̱tti̱ cik yabzinto.

Lu̱ka̱ 10:23

Kar zin enne kutuhuwe kicin nuyak ciginnek kar kizek nogo do̱ idic ne, “U̱mu̱yu̱kte̱ ebere cik icinnet kaal ne̱k icinntu niga ko̱.

Lu̱ka̱ 19:28

Baling u̱du̱wa̱ Ye̱su̱ zoz cu, uk zin enne oowa okko rok Jerusalem.

Lu̱ka̱ 9:51

Baling ize ojon i̱i̱ ci orong Ye̱su̱ ki̱mi̱re̱ kuk ta̱mu̱-kenga, adang zoz kar kuk rok Jerusalem.

Kaviyak wak Abunna Ta̱mu̱ta̱dde̱no̱ eher Joni 11:16

Izek zin e̱e̱ti̱ ci een Tomas een zara uggak ne Didymus, wa bo̱do̱k een cuudenit nuyak u̱gge̱ ne, “Koot naga do̱o̱k bu̱k, icima ka̱da̱i̱ ki nonno.”

Kaviyak wak Abunna Ta̱mu̱ta̱dde̱no̱ eher Joni 11:8

Izettek nege nonno ne, “De̱me̱zo̱i̱t, orongnyi wanai jor niko ol cik e̱e̱ggi̱n Ya̱u̱d kovocci biyene. Orongi abarik bo̱do̱k i̱nna̱ mi̱re̱ bit nginati dee?”