Marko 10:22 - Tennet

²² Baling izik e̱e̱ti̱ neci zoz necu, angarunyan ngu̱m. Uk zin etteda gool cinne, eci enne anyak kaal cik meelek.

Marko 10:22 Iomraidhean Croise

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 19:22

Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.

Ma̱te̱yo̱ 27:3

Baling izik Judasi etteddek ol Ye̱su̱ daiz, u̱u̱c zin nonno zinin oroot. Obodai zin o̱ro̱bi̱ya̱ cik een ziik balik een moten i̱i̱yo̱ i̱mi̱ro̱i̱ uk aanyik alaat cik olli wawaco ki lo̱ddi̱ki̱re̱.

Marko 10:21

Egelem zin Ye̱su̱ nonno talninta, kar kize ne, “Anyak gi̱i̱ co̱de̱ ci a̱zze̱ni̱ki̱n, bit tuwoyi kaal cigunnek do̱o̱k kar zin anyik o̱ro̱bi̱ya̱ ol cik amati, kar zin nyak jainzet cunne ta̱mu̱-kenga. Kar zin i̱jja̱ nuwan kar ize nuyait cinanni.”

Marko 10:23

Edev zin Ye̱su̱ lo̱o̱c kar zin kizek nuyak waginnek ko̱ ne, “Okkomi kak ngati e̱e̱t ci een jaitot kar ki̱tto̱ ba̱a̱li̱ne̱t ci Ta̱mu̱ta̱dde̱no̱!”

Marko 6:20

ma̱rri̱t He̱ro̱di̱ o̱ngo̱o̱le̱ Jon kar kuzute nonno. A̱gga̱ ming een enne e̱e̱t ci abunna a̱li̱le̱ Ta̱mu̱ta̱dde̱no̱, ming aziye He̱ro̱di̱ Jon ming ozoz, a̱ku̱le̱k je̱e̱n, abarik ngen orong kizik zoz cinne eci enne ozoz zoz ci een de̱de̱.

Marko 6:26

Baling aziye alaan He̱ro̱di̱ zoz necu niko, u̱u̱c zinin oroot, ma̱i̱je̱ eci enne u̱du̱l keet ki bo̱do̱k zo̱ze̱ ci e̱re̱nno̱k waginnek ko̱, iróng zin enne ngen abure zoz cinne.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 18:23

Baling izik enne zoz necu, utubur enne nong oroot, eci enne een i̱to̱i̱t oroot.

2 Ko̱ri̱nto̱ 7:10

A̱a̱nyu̱ng matizi ci Ta̱mu̱ta̱dde̱no̱ o̱bo̱dda̱i̱ zi̱nze̱tti̱ cuggo̱k gi̱i̱ye̱ ci gerze u̱tu̱gu̱zzu̱ niga, kar utungtek ba̱ci̱nno̱k ne̱ke̱ lo̱o̱c, a̱ti̱ri̱zu̱ng zin atin Ta̱mu̱ta̱dde̱n de̱de̱, iróng zin atin ngen ettedekkung zoz ci gerze bali u̱tu̱gu̱zzo̱ niga ke̱, ma̱i̱je̱ matizi ci lo̱o̱tu̱ anyaha daiz.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.