Marko 10:21 - Tennet

²¹ Egelem zin Ye̱su̱ nonno talninta, kar kize ne, “Anyak gi̱i̱ co̱de̱ ci a̱zze̱ni̱ki̱n, bit tuwoyi kaal cigunnek do̱o̱k kar zin anyik o̱ro̱bi̱ya̱ ol cik amati, kar zin nyak jainzet cunne ta̱mu̱-kenga. Kar zin i̱jja̱ nuwan kar ize nuyait cinanni.”

Marko 10:21 Iomraidhean Croise

Kananet 34:19

Okko lo̱gu̱t ci irez baatinne ce̱e̱ze̱ cinne oroot, uk zin ataman, okko ogon zoz bali u̱du̱kta̱ nege ke̱, eci enne atali buweenyi Ya̱ko̱bo̱ oroot.

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Ma̱te̱yo̱ 19:21

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Marko 10:22

Baling izik e̱e̱ti̱ neci zoz necu, angarunyan ngu̱m. Uk zin etteda gool cinne, eci enne anyak kaal cik meelek.

Marko 8:34

Utu zin Ye̱su̱ koole ki nuyak waginnek ki̱vi̱ta̱k nonno kar kizek nogo ne, “Ming orong e̱e̱ti̱ imma kunuwan, abunna ming erehek ele cinne, kar kodong ta̱la̱ke̱c cinne kar kunuwan.

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 16:9

Ka̱du̱wa̱kku̱ng anna i̱ge̱ta̱, i̱li̱ngli̱ngte̱ i̱to̱kze̱t ci lo̱o̱tu̱ abunna ming amudannu gonogget, ming okko i̱to̱kze̱t neci edeccai, kar atin ol kelemtaung i̱ge̱ta̱ baize ci abakku udut.

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 19:41

Baling ojongoz Ye̱su̱ Jerusalem kar kicin orog neci a̱ddi̱ki̱re̱ ke̱, kar zin u̱tu̱lu̱we̱k.

Lu̱ka̱ 9:23

Izek zin enne nogo do̱o̱k ne: “Ming orong e̱e̱ti̱ imma kunuwan, anyik kimigzoi ele cinne kar kodong ta̱la̱ke̱c cinne odohize kar kunuwan.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 2:45

Utene kaal cik anyak nege ki i̱jjo̱ cigge̱k, aanycik zin nege ol cik amati.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

Je̱mi̱s 2:10

Imma ming azunne e̱e̱ti̱ lo̱ti̱nno̱k wak Ta̱mu̱ta̱dde̱no̱ ko̱ do̱o̱k, kar abac co̱de̱, ize enne gerza ngati a̱du̱le̱ lo̱ti̱nno̱k do̱o̱k.

O̱no̱zzo̱k 2:14

I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.

O̱no̱zzo̱k 2:20

Abarik kanyai zoz ki i̱ge̱ta̱ zo̱ze̱ ci ngaa ci een zara Jezebel, ci gon aanyik ele kize a̱ri̱to̱i̱t ko̱. I̱ti̱ye̱ zin enne du̱cca̱k cigannik tu̱ de̱mzi̱nte̱ cinne. Aanyik kizeto a̱li̱ya̱k kar kadait da̱i̱ne̱t cik apahek ol to̱do̱yyo̱k.

O̱no̱zzo̱k 2:4

Ma̱i̱je̱ zin i̱yo̱ko̱ kanyai zoz ci a̱u̱ce̱ zinine cinanni zo̱ze̱ cunno̱ng: Utungteu niga rezinet wa een oo lo̱o̱c.