Marko 10:19 - Tennet

¹⁹ A̱gga̱ i̱nna̱ lo̱ti̱nno̱k ciko: ‘Ma amunyi e̱e̱t ci diiri, ma orootonu ki ngaai cik ollu, ma ogorze, ma a̱du̱wa̱ zoz ngati ovolonge e̱e̱t imma, ma alaba ol kaal, to̱ngo̱o̱lle̱ baatunne ki yaatunne.’”

Marko 10:19 Iomraidhean Croise

Marko 10:18

O̱bo̱de̱k zin Ye̱su̱ nonno, a̱nne̱k ne, “Nya ming awuya a̱nne̱ka̱ ne de̱me̱zo̱i̱t ci abunna ko̱? I̱llo̱i̱ e̱e̱t imma ci abunna, Ta̱mu̱ta̱dde̱n do̱ niko.

Lu̱ka̱ 18:20

A̱gga̱ i̱nna̱ lo̱ti̱nno̱k ciko: ‘Ma orootonu ki ngaai cik ollu, ma amunyi e̱e̱t ci diiri, ma ogorze, ma a̱du̱wa̱ zoz ngati ovolonge e̱e̱t imma, to̱ngo̱o̱lle̱ yaatunne ki baatunne.’”

Roma 13:9

Anyak lo̱ti̱nno̱wa̱ kaal cik meelek cik orong Ta̱mu̱ta̱dde̱n ku̱tu̱gu̱ e̱e̱ti̱ ci diiri, ki i̱yo̱ko̱ ciko: “Ma orootonu ki ngaai cik ollu. Ma amunyi e̱e̱t ci diiri. Ma ogorze. Ma anyai zinin ci a̱ppwe̱ ce̱e̱ze̱ ci e̱e̱t imma.” Urumte lo̱ti̱nno̱u̱ ne̱ke̱ do̱o̱k odowe ṯok, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

Roma 3:20

Iróng Ta̱mu̱ta̱dde̱n elemi e̱e̱t imma eci azunne lo̱ti̱nno̱k. Anyak gi̱i̱ co̱de̱ ṯok ci ogon lo̱ti̱nno̱wa̱, i̱ye̱le̱k ol ming abaccit zoz ci ogone nege mu̱nye̱n.

Ga̱la̱ti̱a̱ 4:21

I̱yo̱ko̱ zin, anyak ol u̱gge̱ ngatinno̱ng orong ku̱zu̱tte̱ lo̱ti̱nno̱k wak Musesi. A̱gga̱yyu̱ keng ci lo̱ti̱nno̱k ne̱ke̱?

Ga̱la̱ti̱a̱ 5:14

Ming karum lo̱ti̱nno̱k do̱o̱k nga̱to̱de̱, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.

Je̱mi̱s 2:11

Imma e̱e̱ti̱ ci azi ne, “ma orootonu ki ngaai cik ollu,” azi bo̱do̱k ne, “Ma amunyi e̱e̱t ci diiri.” Ming iróng i̱nna̱ orootonu ki ngaai imma ngatu amunyi e̱e̱t, u̱du̱lu̱ i̱nna̱ lo̱ti̱nno̱k.