Marko 10:14 - Tennet

¹⁴ Baling icin Ye̱su̱ zoz neci niko, utubur zin nong. Kar kizek nogo ne, “Aanycik dooli ne̱ko̱ ki̱vi̱ta̱n, ma alamnyu nogo! Eci ba̱a̱li̱ne̱t ci Ta̱mu̱ta̱dde̱n abale ol een ci dooli cik ogon ki ne̱ko̱.

Marko 10:14 Iomraidhean Croise

Kananet 17:7

Kazunne atin anna olom cinanni ki i̱nne̱t kize ci aave udut ku̱ru̱m ci doolinnu veelek bu̱u̱llo̱k ki bu̱u̱llo̱k, ke̱e̱ni̱ Ta̱mu̱ta̱dde̱n cunne ki bu̱u̱llo̱k cik a̱vvu̱ vu̱rrta̱.

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 18:4

Ming iróng e̱e̱ti̱ odong ele ki i̱yo̱ko̱ do̱le̱c icu ko̱, nonno ci ommog ol do̱o̱k ba̱a̱li̱nte̱ ci ta̱mu̱-kengo.

Ma̱te̱yo̱ 19:14

Ize zin Ye̱su̱ ne, “Aanycik dooli ne̱ko̱ ki̱vi̱ta̱n. Ma alamnyu nogo! Eci ba̱a̱li̱ne̱t ci ta̱mu̱-kengo een cinne̱ng.”

Ma̱te̱yo̱ 5:10

U̱mu̱yu̱k Ta̱mu̱ta̱dde̱n ol wak a̱gi̱d ol zo̱ze̱ ci bunnat cinne, een ba̱a̱li̱ne̱t ci ta̱mu̱-kengo ko̱ cinne̱ng.

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Marko 8:33

Abarik baling okko Ye̱su̱ ukce kar kegelem nuyak ciginnek, itizik zin enne Peturu. Izek ne, “Nyehe ngatinanni Sitan, iróng i̱nna̱ i̱no̱ni̱ kaal cik Ta̱mu̱ta̱dde̱no̱, abarik i̱no̱ni̱ i̱nna̱ kaal cik ol cik diirik!”

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Buk wa To̱ni̱a̱u̱ 2:39

Een muci necu cunno̱ng ki dooli cuggo̱k ki ol cik aavtte reena, e̱e̱ggi̱n ol ne̱ko̱ do̱o̱k cik awu atin Ta̱mu̱ta̱dde̱n.”

Buk wa To̱ni̱a̱u̱ 3:25

Aragiztu zin niga zo̱zzo̱k cik a̱ri̱tto̱u̱ ki olom bali ogon Ta̱mu̱ta̱dde̱n ki ji̱ji̱ti̱ggo̱k ke̱. A̱nne̱k enne Aburaham ne, ‘Zo̱ze̱ ci dooli cigunnek amuda atin ol lo̱o̱co̱we̱ do̱o̱k ma̱yu̱we̱ne̱t.’

Roma 11:16

Ming aanyik ol a̱vu̱ca̱c ci ngen e̱e̱ti̱ imma katar ki̱li̱li̱, a̱li̱le̱ zin merte do̱o̱k; ming a̱li̱le̱ egero cik keetak, a̱li̱le̱ alawo do̱o̱k.

Roma 11:28

Imma zo̱ze̱ ci aburne nege kaviyak cik abunna Ta̱mu̱ta̱dde̱no̱ ko̱, amarto zin nege ki Ta̱mu̱ta̱dde̱n. Irez Ta̱mu̱ta̱dde̱n nogo zo̱ze̱ ci ji̱ji̱ti̱gge̱k.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 7:14

Eci mac ci iróng a̱tu̱we̱, a̱ma̱yu̱we̱ baizi cinne zo̱ze̱ ci ngaa cinne a̱tu̱we̱ ko̱, okko ngaa ci iróng a̱tu̱we̱ ko̱, a̱ma̱yu̱we̱ baizi cinne zo̱ze̱ ci mac ci a̱tu̱we̱ ko̱. Ovvo dooli cuggo̱k ngoronye, imma zin zo̱ze̱ necu, e̱e̱ggi̱n caale ne paz.

Evesos 4:26

“Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong,

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

O̱no̱zzo̱k 14:5

I̱llo̱i̱ volong imma ci iyowa u̱tu̱ge̱tti̱ne̱ cigge̱k; e̱e̱ggi̱n nege ol cik abunna.