Marko 1:8 - Tennet

⁸ I̱yo̱ko̱ ka̱gga̱me̱kku̱ng ba̱ti̱ti̱mo̱ maame, imma enne a̱gga̱me̱kku̱ng atin ba̱ti̱ti̱mo̱ Vongize ci A̱li̱le̱.”

Marko 1:8 Iomraidhean Croise

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Marko 1:7

Icu zin zoz cinne: “A̱kku̱ atin e̱e̱ti̱ imma vu̱rrte̱ cinanni ci ommogja annita, iróng bu̱k anna kuuli ngati kaburcane caava waginnek zone.

Marko 1:9

Imma i̱i̱nya̱we̱ ne̱ke̱ i̱ki̱ya̱ Ye̱su̱ o̱rge̱ wa een Nazeret wa aave Ga̱li̱li̱kte̱, a̱gga̱me̱k bali Joni nonno ba̱ti̱ti̱mo̱ moro ci Jordani.

Lu̱ka̱ 3:16

Abarizek zin Joni nogo, “Ka̱gga̱me̱kku̱ng anna i̱ge̱ta̱ ba̱ti̱ti̱mo̱ maame. Ma̱i̱je̱ ngatu anyak e̱e̱t co̱de̱ ci ommogja annita, a̱kku̱ atin, iróng anna kuuli kar keceb baru cik caava ciginnek. A̱gga̱me̱kku̱ng atin enne i̱ge̱t ba̱ti̱ti̱mo̱ Vongize ci A̱li̱le̱ ki gwo̱o̱ya̱.

Kaviyak wak Abunna Ta̱mu̱ta̱dde̱no̱ eher Joni 1:26

O̱bo̱de̱k zin Joni nogo, “Ka̱gga̱me̱k anna ol ba̱ti̱ti̱mo̱ maame, ma̱i̱je̱ zin orgene cunno̱ng, anyak e̱e̱t imma ci abile ci iróng niga a̱gga̱yyu̱.

Kaviyak wak Abunna Ta̱mu̱ta̱dde̱no̱ eher Joni 1:33

Iróng wo̱ye̱ da̱ ka̱gga̱ nonno ming iróng a̱du̱wa̱ka̱ e̱e̱ti̱ bali i̱tto̱na̱na̱ ki̱ki̱ya̱ ka̱gga̱me̱k ol ba̱ti̱ti̱mo̱ maame ke̱. A̱nne̱ka̱ ne, ‘E̱e̱t ci acinni alucak Vongizi ci Ta̱mu̱ta̱dde̱no̱ nonno ke̱, kar ki̱tta̱k nonno, a̱gga̱me̱k atin enne ol ba̱ti̱ti̱mo̱ Vongize ci A̱li̱le̱.’

Buk wa To̱ni̱a̱u̱ 1:5

A̱gga̱me̱k Joni ol ba̱ti̱ti̱mo̱ maame, ma̱i̱je̱ i̱i̱nya̱we̱ cikidik a̱gga̱me̱kku̱ng atin Ta̱mu̱ta̱dde̱n ba̱ti̱ti̱mo̱ Vongize ci A̱li̱le̱.”

Buk wa To̱ni̱a̱u̱ 10:45

U̱ku̱lte̱k ol balik a̱tu̱we̱ een Ya̱u̱d etted wucic vi̱ca̱vi̱ca̱ orkora ki Peturu ke̱ je̱e̱n, eci Vongizi ci A̱li̱le̱ i̱ki̱ya̱k ol cik iróng een Ya̱u̱d bu̱k.

Buk wa To̱ni̱a̱u̱ 2:17

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Buk wa To̱ni̱a̱u̱ 2:4

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.