Marko 1:5 - Tennet

⁵ I̱vi̱tta̱k zin ol cik lo̱o̱c ci een Ju̱de̱ya̱ ki Jerusalem do̱o̱k nonno. A̱jji̱n Ta̱mu̱ta̱dde̱n kalalek nogo ba̱ci̱nno̱k wagge̱k, kar zin Joni ka̱gga̱me̱k nogo ba̱ti̱ti̱mo̱ moro ci Jordani.

Marko 1:5 Iomraidhean Croise

Ma̱te̱yo̱ 4:25

A̱vvu̱ ol cik meelek Ga̱li̱li̱ya̱ ki cik a̱vvu̱ o̱ro̱gjo̱we̱ cik een Dikapolis, orong Ye̱su̱. A̱vvu̱ ol uggak bo̱do̱k Jerusalema ki lo̱o̱ce̱ ci Ju̱de̱ya̱ ki cik a̱vvu̱ moro ci Jordani, annu nege Ye̱su̱ kizeto nuyak ciginnek.

Marko 1:4

I̱ki̱ya̱ zin Joni, a̱gga̱me̱k ol ba̱ti̱ti̱mo̱ balala, uwahek ol zoz ci ba̱ti̱ti̱mo̱ kar nege kutungttek ba̱ci̱nno̱k cigge̱k lo̱o̱c, kar Ta̱mu̱ta̱dde̱n kalalek nogo ba̱ci̱nno̱k wagge̱k.

Marko 1:6

Amaluk Joni ru̱u̱m ci adimanai imane cik naganagawak, kar zin bo̱do̱k ki̱ti̱m nyakadingo ci een ru̱ce̱ni̱t aruta. Adak enne giroc ki lete.

Kaviyak wak Abunna Ta̱mu̱ta̱dde̱no̱ eher Joni 1:28

Ogone kaala ne̱ko̱ do̱o̱k o̱rge̱ ci een zara Bethany, moro ci een zara Jordan o̱to̱ne̱ ci je̱e̱ni̱, ngin bali a̱gga̱me̱ke̱ Joni ol ba̱ti̱ti̱mo̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:23

A̱gga̱me̱k Joni ol ba̱ti̱ti̱mo̱ bu̱k liile wa een zara Aenon, ojongzo ki orog ci een zara Salim, eci anyak maam cik meelek, a̱vvu̱na̱k ol nonno udut ki̱vi̱ta̱ ka̱gga̱mi̱t ba̱ti̱ti̱mo̱.

Kaviyak wak Abunna Ta̱mu̱ta̱dde̱no̱ eher Joni 5:35

Ogon ba̱li̱ye̱ Joni ki urez ci ataran lo̱o̱c, kar zin niga elemtau arrak urez neci do̱yo̱i̱t.”

Buk wa To̱ni̱a̱u̱ 19:18

Imma ol balik u̱tu̱we̱t zoz ci Ta̱mu̱ta̱dde̱no̱ i̱yo̱ko̱ ke̱, i̱vi̱ta̱ uturtta mu̱nye̱n cigge̱k kicinnet ebere cik ollu.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.