Marko 1:44 - Tennet

⁴⁴ “Abunna ming a̱gga̱, ma a̱du̱wa̱k zoz necu e̱e̱t imma. Abarik, bit ye̱le̱k ele cunne e̱e̱t ci wawaco Ce̱e̱ze̱ wa Ta̱mu̱ta̱dde̱no̱ kar pahek wawa ki bali ming a̱du̱wa̱ Musesi ke̱, kar morizi cunne ki̱ti̱vi̱la̱i̱, kar ol do̱o̱k ka̱gga̱c.”

Marko 1:44 Iomraidhean Croise

Ma̱te̱yo̱ 8:4

U̱du̱wa̱k zin Ye̱su̱ nonno, a̱nne̱k ne, “Ma okko a̱du̱wa̱k e̱e̱t imma. Abarik bit ye̱le̱k ele e̱e̱t ci wawaco Ce̱e̱ze̱ wa Ta̱mu̱ta̱dde̱no̱, kar anyik muci cunne ki bali ming a̱du̱wa̱ ti̱lo̱wi̱ne̱t wa Musesi ke̱, kar ol kicinnet ka̱gga̱c zoz cunne.”

Marko 1:43

I̱tto̱n zin Ye̱su̱ nonno kuk reena ki ti̱lo̱wi̱ne̱t cu:

Lu̱ka̱ 17:14

Baling icin enne nogo, ize zin ne, “Oto, i̱ye̱lte̱k e̱le̱tti̱ cuggo̱k ol wak wawaco.” Baling ovvo nege owo, icinnet abarik i̱zi̱ze̱c e̱le̱tti̱ cigge̱k, i̱zzi̱ dhovo ne dakdak.

Lu̱ka̱ 5:14

U̱du̱wa̱k zin Ye̱su̱ nonno zoz cu, “Ma a̱du̱wa̱k e̱e̱t imma, abarik bit ye̱le̱k ele cunne e̱e̱t ci wawaco Ce̱e̱ze̱ wa Ta̱mu̱ta̱dde̱no̱ kar pahek wawac ki bali ming a̱du̱wa̱ Musesi kize ci i̱ye̱la̱ i̱zi̱zi̱ ele cunne, kize gi̱i̱ ci acin nege bu̱k.”

Buk wa To̱ni̱a̱u̱ 23:22

Aanyik zin ddi̱ki̱ryo̱i̱ti̱ wa a̱ddi̱ki̱re̱ lo̱gu̱t neci kuk kar ki̱ti̱lo̱ nonno, “Ma zin a̱du̱wa̱k e̱e̱t imma, azi ne, u̱du̱wa̱ i̱nna̱ annit zoz necu.”

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.