Marko 1:34 - Tennet

³⁴ angaru zin Ye̱su̱ ol cik meelek anyak mo̱ri̱zzo̱k cik aavtte do̱ do̱. Ottok enne kuulo cik lo̱rye̱nta̱k, ma̱i̱je̱ ngatu iróng enne anyik kuulo kozozit ma̱rri̱t kuulo a̱gga̱ een enne ngene.

Marko 1:34 Iomraidhean Croise

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Marko 1:25

U̱du̱wa̱k zin Ye̱su̱ kuuloc, “Jahe li̱i̱m, iyowa re̱e̱nu̱n ngatinne!”

Marko 3:12

Abarik Ye̱su̱ u̱du̱wa̱k ol wak anyak kuulo ko̱ zoz ci okkomi, “Ma a̱du̱wa̱nnu̱ ke̱e̱ni̱ anna ngene.”

Lu̱ka̱ 4:41

Iyokta zin kuulo cik lo̱rye̱nta̱k ngati ol cik meelek giir, kegerenyit, “E̱e̱ni̱ i̱nna̱ Ngerrti Ta̱mu̱ta̱dde̱no̱!” Ma̱i̱je̱ enne egerenyek nogo, iróng aanyik nogo kozozit, eci nege a̱gga̱ ming een enne Ki̱ri̱sto̱.