Marko 1:32 - Tennet

³² Imma yo̱mo̱n neci ngati i̱to̱we̱ i̱i̱, anyakttak ol Ye̱su̱ ol cik omori mo̱ri̱zzo̱k cik aavtte do̱ do̱ ki wak anyak kuulo cik lo̱rye̱nta̱k.

Marko 1:32 Iomraidhean Croise

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Ma̱te̱yo̱ 8:16

Baling ize yo̱mo̱n, anyakttak ol Ye̱su̱ ol cik meelek anyak kuulo cik lo̱rye̱nta̱k e̱le̱tti̱ne̱, kar enne kangaru nogo do̱o̱k kubunnta.

Ma̱te̱yo̱ 8:17

Akat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t, ki bali ming u̱du̱wa̱ a̱ri̱to̱i̱ti̱ wa een Isaya ke̱, azi ne, “Angaru enne mo̱ri̱zzo̱k cigga̱c kar naga kubunnta.”

Marko 1:21

Oot zin nege rok orog ci een zara Kapernaum, ma baling i̱ki̱ya̱ I̱i̱te̱ne̱ wa Yu̱bze̱nto̱, uk Ye̱su̱ Ce̱e̱ze̱ wa Lawinto kar zin kedemez ol.

Marko 1:31

Uk zin enne ngati ngaa neci, a̱gga̱m zin nonno a̱zzi̱t kar keela nonno kitinga je̱e̱na̱. Utunga zin a̱bu̱re̱zi̱ nonno kar zin enne ki̱ti̱ri̱z nogo.

Marko 3:2

Ma̱i̱je̱ ol uggak ne̱k aavtte nginati ke̱ orong gool ci kar kovolongte Ye̱su̱ ming abac gi̱i̱ imma, atangamttek zin nege nonno oroot, ming a̱ti̱ri̱z Ye̱su̱ e̱e̱t neci arude a̱zzi̱ti̱ ke̱ I̱i̱te̱ne̱ wa Yu̱bze̱nto̱.

Lu̱ka̱ 4:40

Baling okko i̱i̱ i̱i̱zo̱, anyakttak ol Ye̱su̱ ol cik anyak mo̱ri̱zzo̱k cik aavtte do̱ do̱, kar zin enne katadek nogo azzin e̱co̱de̱ e̱co̱de̱ do̱o̱k kubunnta.

Lu̱ka̱ 4:41

Iyokta zin kuulo cik lo̱rye̱nta̱k ngati ol cik meelek giir, kegerenyit, “E̱e̱ni̱ i̱nna̱ Ngerrti Ta̱mu̱ta̱dde̱no̱!” Ma̱i̱je̱ enne egerenyek nogo, iróng aanyik nogo kozozit, eci nege a̱gga̱ ming een enne Ki̱ri̱sto̱.