Marko 1:27 - Tennet

²⁷ A̱ma̱li̱ltte̱ ol ne̱ke̱ do̱o̱k o̱o̱tti̱, kar ki̱jji̱nto̱: “Nya necu? De̱mzi̱ne̱t ci een jor ki doiz! Egerenyek abarik kuulo cik lo̱rye̱nta̱k bak o̱ngo̱o̱le̱ nonno.”

Marko 1:27 Iomraidhean Croise

Ma̱te̱yo̱ 15:31

U̱ku̱lte̱k ol je̱e̱n baling iziyyet ol balik adite iina ke̱ ming ozozi, ubunntta ol wak nganynganyik zoona, otozo ol balik ngooltik, icinte ol balik ru̱be̱ni̱k. Kar zin kinnatit Ta̱mu̱ta̱dde̱n wa ala olli Israilo.

Ma̱te̱yo̱ 8:9

Kanyai anna aciir cik a̱ddi̱ki̱re̱ ngatinanni, anyak bo̱do̱k aciir cik ka̱ddi̱ki̱rne̱ anna nogo. Ming ka̱nne̱k co̱de̱ ne, ‘Bito,’ okko enne de̱de̱. Ka̱nne̱k bo̱do̱k co̱de̱ ne, ‘I̱jja̱,’ a̱kku̱ zin. Ka̱nne̱i̱ du̱ca̱i̱t cinanni ‘Tu̱gu̱ gi̱i̱ cu,’ ogon enne de̱de̱.”

Ma̱te̱yo̱ 9:33

Baling okko Ye̱su̱ ottok kuulo cik lo̱rye̱nta̱k eliya ci e̱e̱t neci, ozoz zin e̱e̱ti̱ bali adite iina ke̱. A̱ma̱li̱ltte̱ ol do̱o̱k o̱o̱tti̱, kar kizeto ne, “I̱llo̱i̱ bali gi̱i̱ imma ci ogon ki necu ci kicinnta lo̱o̱ce̱ ci Israilo.”

Marko 1:26

Otomowe kuuloci e̱e̱t neci oroot kar kiyowa ngati e̱e̱t neci.

Marko 1:28

Ataman niko iziyyet ol kaviyak cik kaal ne̱k ogon Ye̱su̱ lo̱o̱ce̱ ci Ga̱li̱li̱ ko̱ do̱o̱k.

Marko 10:24

U̱ku̱lte̱k nuyaha zoz ci a̱du̱wa̱ enne ko̱. Ma̱i̱je̱ Ye̱su̱ u̱du̱wa̱ zoz neci bo̱do̱k, ize ne, “Niga dooli, okkomi kak ngati i̱zo̱we̱ e̱e̱ti̱ ba̱a̱li̱ne̱t ci Ta̱mu̱ta̱dde̱no̱.

Marko 10:32

Baling ovvo Ye̱su̱ ki nuyak ciginnek ovvo Jerusalema, owo Ye̱su̱ o̱o̱we̱ cinne̱ng. A̱bba̱ri̱te̱t zi̱nze̱tti̱ cik demezyak ciginnek ko̱, imma ol balik annu nogo ke̱ o̱to̱ngo̱o̱ltte̱ nege bu̱k. Utu zin Ye̱su̱ demezyak omoto ki rama abanyca kar ku̱du̱wa̱k nogo zoz ci atin ogononik ol nonno Jerusalema.

Marko 16:5

Baling ovvo nege i̱i̱zo̱ ilomi, u̱mu̱dda̱ lo̱gu̱t ci aim ru̱u̱m ci voori ming aave o̱to̱ne̱ ci a̱zzo̱. U̱ku̱lte̱k zin nege je̱e̱n.

Marko 16:6

Izek zin lo̱gu̱t neci nogo ne, “Ma a̱ku̱le̱kku̱ je̱e̱n, orongnyu niga Ye̱su̱ wa Nazereti, wa bali ododek ol ta̱la̱ke̱c. Itinga enne daiza, iróng enne aave ngatu. Icinnet ilomi bali abahek ol ele cinne ke̱.

Marko 7:37

U̱ku̱lte̱k ol je̱e̱n oroot zo̱ze̱ necu, kar kizeto ne, “U̱tu̱gu̱ enne kaal do̱o̱k ju̱rru̱m. Idiman e̱e̱t ci adite iina kiziyo, angaru e̱e̱t ci aavtte e̱le̱me̱tti̱ pad kozoz.”

Lu̱ka̱ 4:36

U̱ku̱lte̱k ol do̱o̱k je̱e̱n zo̱ze̱ necu, kar kozozit nege do̱, “Een de̱mzi̱ne̱t necu nya? Katkaton ki komiz jang ci a̱du̱wa̱k enne zoz kuulo cik lo̱rye̱nta̱k ko̱, kar nege kiyokta ko̱!”

Lu̱ka̱ 9:1

Baling utu Ye̱su̱ to̱ni̱a̱k omoto ki rama ka̱vvu̱to̱ nga̱to̱de̱, aanyik zin enne nogo doiz ki katkaton kar kottoit kuulo cik lo̱rye̱nta̱k do̱o̱k kar kangaruwet ol mo̱ri̱zo̱we̱,

Buk wa To̱ni̱a̱u̱ 17:19

O̱o̱tte̱ nege Pa̱u̱lo̱ kar kanyaktak nyakanganet cik Areopagus, kar kizettek ne, “I̱jja̱ da̱ du̱wa̱kke̱t de̱mzi̱ne̱t ci edemezi i̱nna̱ ko̱?