Marko 1:21 - Tennet

²¹ Oot zin nege rok orog ci een zara Kapernaum, ma baling i̱ki̱ya̱ I̱i̱te̱ne̱ wa Yu̱bze̱nto̱, uk Ye̱su̱ Ce̱e̱ze̱ wa Lawinto kar zin kedemez ol.

Marko 1:21 Iomraidhean Croise

Ma̱te̱yo̱ 4:13

Utungek orog ci een Nazeret lo̱o̱c, uk abak o̱rge̱ ci een zara Kapernaum, orog ci ojongzo ki nyatapar ci een Ga̱li̱li̱ nginti ojongzo ki lo̱o̱cco̱k cik Zebulun ki Naphtali.

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Marko 1:20

Iróng Ye̱su̱ ngen ijakce, utu zin nogo, utungtek zin be̱e̱ti̱nne̱ng Zebedee i̱bo̱ ki ol wak a̱li̱ngli̱ng ki nogo kar nege kunuwet Ye̱su̱.

Marko 1:29

Baling utungtek nege Ce̱e̱z wa Lawinto lo̱o̱c, oot zin Ye̱su̱ ki ciko Je̱mi̱s ki Jon ce̱e̱ze̱ co Si̱mo̱ne̱ ki Andereya.

Marko 1:33

U̱lu̱tte̱ ol cik o̱rgu̱ do̱o̱k tatuga,

Marko 1:39

Oto zin enne o̱ro̱gjo̱we̱ cik Ga̱li̱li̱ veelek. Uwak Ce̱e̱zi̱nne̱ wak Lawinto, kar kottok kuulo cik lo̱rye̱nta̱k olle.

Marko 10:1

Imma vu̱rrta̱, utungek Ye̱su̱ orog ci een zara Kapernaum lo̱o̱c. Uk zin enne o̱to̱ne̱ ci je̱e̱ni̱ rok lo̱o̱c ci ol cik een zara Ju̱de̱ya̱, kar zin kuzuca orog ci aave moro ci Jordani o̱to̱ne̱ ci je̱e̱ni̱. Eci wagon a̱vvu̱na̱k ol cik meelek nonno, edemez zin enne nogo.

Marko 2:1

Ma̱i̱je̱ bali i̱i̱nya̱ u̱gge̱, baling okko Ye̱su̱ i̱i̱zo̱ orog ci een Kapernaum, iziyyet ol ming i̱ki̱ya̱k enne ce̱e̱z.

Marko 3:1

Imma i̱i̱te̱n imma baling okko Ye̱su̱ Ce̱e̱ze̱ wa Lawinto, aave da̱ e̱e̱ti̱ ci arude a̱zzi̱ti̱ nginati.

Marko 6:2

Baling ize I̱i̱te̱n wa Yu̱bze̱nto̱, uk Ye̱su̱ akate de̱mzi̱ne̱t Ce̱e̱ze̱ wa Lawinto. A̱ma̱li̱ltte̱ ol cik meelek o̱o̱tti̱ ming aziye de̱mzi̱ne̱t cinne. I̱jji̱nto̱ zin nege, “Amuda e̱e̱ti̱ cu zoz necu nga? Genyiz ci ogon ku̱ ci anyonik nonno ko̱, ogon abarik kaal cik a̱vu̱la̱!

Lu̱ka̱ 10:15

Kar niga ol cik Kapernaumi, ovvoyyu atin niga ta̱mu̱-kenga? I̱llo̱i̱, ovvoyyu atin niga lo̱o̱ta̱ ngati daizo.”

Lu̱ka̱ 13:10

Imma da̱ I̱i̱te̱ne̱ wa Yu̱bze̱nto̱ edemez Ye̱su̱ ol Ce̱e̱ze̱ wa Lawinto,

Lu̱ka̱ 4:16

Uk Ye̱su̱ Nazereta, o̱rge̱ bali a̱li̱ngta̱ne̱ ol nonno ke̱, kar I̱i̱te̱ne̱ wa Yu̱bze̱nto̱ uk zin enne Ce̱e̱ze̱ wa Lawinto kiwagon la̱du̱n keere cinne. Kar enne kitinga je̱e̱na̱ kikebo.

Lu̱ka̱ 4:23

A̱nne̱k zin Ye̱su̱ nogo ne, “Ka̱gga̱ anna ming a̱jji̱nna̱ng atidic yabzinet cu: ‘Di̱kto̱r, ngaru ele cunne! Tu̱gu̱ ngatu o̱rge̱ cunne kaal balik kazikna u̱tu̱gu̱ i̱nna̱ Kapernauma ke̱.’”

Buk wa To̱ni̱a̱u̱ 17:2

Kiwagon keere cinne la̱du̱n, uk Pa̱u̱lo̱ Ce̱e̱ze̱ wa Lawinto, imma I̱i̱te̱ne̱ wa Yu̱bze̱nto̱ een i̱i̱yo̱, u̱du̱wa̱k enne ol ungec ci zoz wa e̱he̱rye̱ Warage ci Ta̱mu̱ta̱dde̱no̱,

Buk wa To̱ni̱a̱u̱ 18:4

Okko i̱i̱nya̱we̱ wak Yu̱bze̱nto̱, okko enne Ce̱e̱ze̱ wa Lawinto kar kozoz ki olli Ya̱u̱do̱ ki Gi̱ri̱k, oobek zoz ci Ye̱su̱.