Lu̱ka̱ 9:44 - Tennet

⁴⁴ “Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Lu̱ka̱ 9:44 Iomraidhean Croise

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Ma̱te̱yo̱ 26:2

“Eci niga a̱gga̱yyu̱ akate atin I̱i̱te̱n wa Va̱rda̱ngi̱nto̱, ming kedecca naga i̱i̱nya̱ rama, kar anna Ngerrti E̱e̱to̱ adawana atin ol annita kar kotodoyang annit keet wa een ta̱la̱ke̱c.”

Marko 8:31

Akate zin Ye̱su̱ edemez demezyak zoz ci azi ne apirna atin Ngerrti E̱e̱to̱ kaale cik meelek kar lo̱ddi̱ki̱re̱ kutuburret nonno, alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱, a̱ru̱we̱ atin enne ka̱da̱k kar kitinga daiza kurug i̱i̱nya̱we̱ cik een i̱i̱yo̱.

Marko 9:31

eci enne edemez nuyak ciginnek. Izek zin enne nogo ne, “Ovvo atin ol adawa Ngerrti E̱e̱to̱ kar kanyozik azzine cik ol cik diirik. A̱ru̱k atin nege nonno, imma i̱i̱nya̱we̱ cik een i̱i̱yo̱ ingazi atin enne daiza.”

Lu̱ka̱ 1:66

Imma ol cik iziyyet zoz necu do̱o̱k a̱ma̱li̱ltte̱ o̱o̱tti̱ zo̱ze̱ necu, a̱jji̱nne̱, “Okko atin do̱le̱c necu een ku̱?” Eci a̱zzi̱ti̱ ci Manyi aave ngatinne.

Lu̱ka̱ 18:31

Uwe Ye̱su̱ nuyak omoto ki rama abanyca kar ku̱du̱wa̱k nogo, “Kovvo naga rok Jerusalem, kar kaala do̱o̱k balik eher a̱ri̱tto̱wa̱ obod ki zoz ci Ngerrti E̱e̱to̱ ke̱ atin kakatit mo̱o̱le̱t.

Lu̱ka̱ 2:19

Ma̱i̱je̱ Ma̱ri̱ya̱ adaz zo̱zzo̱k ne̱ke̱ do̱o̱k zinina kar gon ki̱no̱n.

Lu̱ka̱ 2:51

Uk zin enne rok Nazareth ki nogo kar kelema zoz cinne̱ng. Ma̱i̱je̱ yaatinne azunne kaal ne̱ke̱ do̱o̱k zinine cinne.

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Lu̱ka̱ 9:22

Izek Ye̱su̱ nuyak waginnek ne, “Apirna atin la̱du̱n Ngerrti E̱e̱to̱ kaale cik meelek, kar kutubure ngati lo̱ddi̱ki̱re̱ ki alaat cik olli wawaco ki bo̱do̱k de̱me̱zzo̱k wak lo̱ti̱nno̱u̱, okko atin enne a̱ru̱we̱ la̱du̱n ka̱da̱k, kar i̱i̱te̱ne̱ ci een i̱i̱yo̱, okko atin enne ingazi daiza kurug.”

Kaviyak wak Abunna Ta̱mu̱ta̱dde̱no̱ eher Joni 16:31

O̱bo̱de̱k Ye̱su̱ nogo a̱nne̱k ne, “Ovvo niga elemnyang bali vu̱rrta̱.

Kaviyak wak Abunna Ta̱mu̱ta̱dde̱no̱ eher Joni 16:4

Ka̱du̱wa̱kku̱ng zoz cu eci ming i̱ki̱ya̱ i̱i̱te̱ni̱ neci, ovvo atin a̱a̱da̱nnu̱ zoz bali ku̱du̱wa̱kku̱ng ke̱. Iróng arrak ba̱li̱ye̱ ka̱du̱wa̱kku̱ng zoz cu oowa ma̱rri̱t ba̱li̱ye̱ ming ngen kaavtte bu̱k.”

Kaviyak wak Abunna Ta̱mu̱ta̱dde̱no̱ eher Joni 19:11

Obodehe Ye̱su̱ nonno, izek ne, “Ming iróng anyoniki komizi ta̱mu̱-kenga, iróng wo̱ye̱ ette i̱nna̱ anyai komiz ngatinanni. Anyak e̱e̱ti̱ ci wanai anyahaka annit i̱nne̱t ko̱ mu̱nye̱n cik ommog veelek.”

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.