Lu̱ka̱ 9:43 - Tennet

⁴³ Kar nege do̱o̱k ku̱ku̱lte̱k komiz ci Ta̱mu̱ta̱dde̱no̱. Baling a̱ma̱li̱ltte̱ ol o̱o̱tti̱ do̱o̱k zo̱ze̱ ci ogon Ye̱su̱ ko̱, izek zin enne nuyak ciginnek ne,

Lu̱ka̱ 9:43 Iomraidhean Croise

Ma̱te̱yo̱ 17:22

Imma i̱i̱te̱n imma baling o̱bo̱dda̱k nege lo̱o̱c ci Ga̱li̱li̱, iizek zin Ye̱su̱ nuyak ciginnek ne, “Ovvo atin ol adawa Ngerrti E̱e̱to̱ kar ka̱gga̱mte̱k ol u̱gge̱.

Marko 6:51

Ottod zin enne i̱bo̱ ki nogo, kar zin ngooti kibil. A̱ma̱li̱ltte̱ nogo o̱o̱tti̱ oroot zo̱ze̱ neci.

Lu̱ka̱ 18:43

Ataman niko, icinte zin ebere ciginnek lak co̱de̱ niko, kar zin enne kunu Ye̱su̱, innat Ta̱mu̱ta̱dde̱n. Baling icinnet ol do̱o̱k nonno, innatit zin nege bu̱k Ta̱mu̱ta̱dde̱n.

Lu̱ka̱ 4:36

U̱ku̱lte̱k ol do̱o̱k je̱e̱n zo̱ze̱ necu, kar kozozit nege do̱, “Een de̱mzi̱ne̱t necu nya? Katkaton ki komiz jang ci a̱du̱wa̱k enne zoz kuulo cik lo̱rye̱nta̱k ko̱, kar nege kiyokta ko̱!”

Lu̱ka̱ 5:26

U̱ku̱lte̱k zin ol do̱o̱k je̱e̱n kar zin kinnatit Ta̱mu̱ta̱dde̱n. A̱bba̱ri̱te̱t da̱ nege oroot kar kizeto ne, “Kicinnta kaal cik i̱i̱na̱k zi̱nze̱tti̱ cigga̱c wazin necu.”

Lu̱ka̱ 5:9

Eci enne ki gonoggi do̱o̱k u̱ku̱lte̱k gool ci a̱gga̱me̱ nege u̱lu̱g balik ovvoye nege ke̱,

Lu̱ka̱ 8:25

I̱jji̱n zin enne nuyak ciginnek, “Aave tu̱we̱ne̱t cinno̱ng nga?” Kar ngati o̱ngo̱o̱li̱nne̱ nege eci zoz ci a̱ku̱le̱k nege je̱e̱n ko̱, i̱jji̱nto̱ zin nege do̱ e̱le̱tti̱ne̱, “Ngene dim icu? Abiliz enne rok ngoot ki maam cik apalpalane, kar nege kiziyet zoz cinne.”

Lu̱ka̱ 9:42

Imma baling ngen do̱le̱c neci a̱kku̱, u̱ju̱ktte̱k kuulo nonno lo̱o̱c kataval. Ma̱i̱je̱ Ye̱su̱ egerenyek kuulo cik lo̱rye̱nta̱k, angaru zin enne do̱le̱c kar kaanyik baatinne.

2 Peturu 1:16

Baling ku̱du̱wa̱u̱ng zoz ci doiz ki we̱t ci okko Manyitinna Ye̱su̱ Ki̱ri̱sto̱ obodane ko̱, iróng ka̱du̱wa̱kku̱ng nga̱ri̱de̱t cik genyizak akana e̱e̱ti̱ imma. Abarik naga kicinnta eberene cigga̱k doiz cinne a̱ddi̱ki̱re̱ de̱de̱.