Lu̱ka̱ 9:41 - Tennet

⁴¹ O̱bo̱de̱k zin Ye̱su̱ nogo, “Eeh, iróng anna kelemi bu̱u̱l ci gerze ko̱, kabak atin anna ki i̱ge̱t rok atinga? Nyaha ngerunne ngintu.”

Lu̱ka̱ 9:41 Iomraidhean Croise

Lu̱ge̱z 10:3

Oot zin Musesi ki Aaron rok alaan kar kizettek ne, “Icu zoz ci a̱du̱wa̱ Manyi Ta̱mu̱ta̱dde̱n ci olli I̱bu̱ru̱, azi ne, ‘Rok atinga iróng i̱nna̱ aziyi zoz cinanni? Anyik ol cigannik ku̱lu̱ge̱t, abunna ovvo nege alayan.

Lu̱ge̱z 16:28

A̱nne̱k zin Manyi Muses ne, “Aburnnu atin ngati iróng azunnu lo̱ti̱nno̱k cigannik rok atinga?

Ma̱te̱yo̱ 11:28

“I̱vi̱tta̱ng annita niga ol wak abile zi̱nze̱tti̱ je̱e̱na̱ ki ol wak apirna zoz ci a̱ppwe̱, ka̱a̱nyu̱ng atin i̱ye̱be̱zi̱t.

Ma̱te̱yo̱ 12:39

O̱bo̱de̱k zin Ye̱su̱ nogo, a̱nne̱k ne, “A̱jji̱n ol wak mu̱nye̱nu̱ ming kogonni anna kaal cik a̱vu̱la̱! I̱llo̱i̱ atin gi̱i̱ imma ci ki̱ye̱le̱ke̱ nogo kize gi̱i̱ ci ogon a̱ri̱to̱i̱ti̱ ci een Jonah do̱ niko.

Ma̱te̱yo̱ 12:45

Imma zin ming uk i̱mi̱re̱, anyaha ki kuulo gonoggi cik een turgerem cik gerzek ommog nonno kar kanyahak e̱e̱t bali ninne ke̱, kar zin ki̱tto̱zo̱ nege do̱o̱k e̱e̱t kar kabaito nga̱to̱de̱. Imma e̱e̱ti̱ neci odoyai zin abarik oroot, kaal cik atin ogone ngati ol cik mu̱nye̱nu̱ bu̱u̱le̱ cu ko̱ ne̱ko̱.”

Ma̱te̱yo̱ 16:4

Orong bu̱u̱l ci gerze mu̱nye̱nu̱ ko̱ kicinnet kaal cik a̱vu̱la̱, i̱llo̱i̱ atin gi̱i̱ imma ci a̱vu̱la̱ ci ki̱ye̱le̱ku̱ng, acin atin nege a̱bi̱ce̱c ci Jonah do̱.” Kar zin enne kutungek nogo lo̱o̱c uk ngamani.

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Ma̱te̱yo̱ 23:36

Ka̱du̱wa̱kku̱ng zin zoz ci een de̱de̱, i̱i̱na̱k atin zoz necu do̱o̱k bu̱u̱l necu.”

Ma̱te̱yo̱ 3:7

I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Marko 10:14

Baling icin Ye̱su̱ zoz neci niko, utubur zin nong. Kar kizek nogo ne, “Aanycik dooli ne̱ko̱ ki̱vi̱ta̱n, ma alamnyu nogo! Eci ba̱a̱li̱ne̱t ci Ta̱mu̱ta̱dde̱n abale ol een ci dooli cik ogon ki ne̱ko̱.

Marko 10:49

Ibil zin Ye̱su̱ kar kize ne, “Du̱wa̱k nonno anyik ki̱ki̱ya̱ ngintu.” U̱tu̱ya̱ zin ol e̱e̱t neci ru̱be̱ni̱ ke̱, a̱nne̱k ne, “Eeh nimo, tinga je̱e̱na̱, i̱jja̱ awuyi Ye̱su̱.”

Marko 9:19

O̱bo̱de̱k zin Ye̱su̱ nogo, “Eehi, i̱ge̱t bu̱u̱l ci iróng anyakku tu̱we̱ne̱t ko̱, kabak wo̱ye̱ anna ki i̱ge̱t u̱u̱mu̱c? Anyaktta lo̱gu̱t necu rok annita.”

Lu̱ka̱ 8:25

I̱jji̱n zin enne nuyak ciginnek, “Aave tu̱we̱ne̱t cinno̱ng nga?” Kar ngati o̱ngo̱o̱li̱nne̱ nege eci zoz ci a̱ku̱le̱k nege je̱e̱n ko̱, i̱jji̱nto̱ zin nege do̱ e̱le̱tti̱ne̱, “Ngene dim icu? Abiliz enne rok ngoot ki maam cik apalpalane, kar nege kiziyet zoz cinne.”

Lu̱ka̱ 9:40

Kala nuyak cigunnek abunna ming ottok kuulo ne̱ko̱, iróng zin nege uule.”

Lu̱ka̱ 9:42

Imma baling ngen do̱le̱c neci a̱kku̱, u̱ju̱ktte̱k kuulo nonno lo̱o̱c kataval. Ma̱i̱je̱ Ye̱su̱ egerenyek kuulo cik lo̱rye̱nta̱k, angaru zin enne do̱le̱c kar kaanyik baatinne.

Kaviyak wak Abunna Ta̱mu̱ta̱dde̱no̱ eher Joni 14:9

O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 20:27

Izek zin Ye̱su̱ Tomas ne, “Arik da̱ vallak cigunnek ngintu, kar cin azzin cigannik; nyaha bo̱do̱k azzin u̱u̱m ma̱ryo̱i̱t cinanni. Ma anyike zinin kodok, abunna ming a̱tu̱we̱.”

Buk wa To̱ni̱a̱u̱ 13:18

uzute enne nogo balala e̱rki̱nya̱ moten we̱c,

Buk wa To̱ni̱a̱u̱ 2:40

U̱du̱wa̱k Peturu nogo zo̱zzo̱k cik meelek; kar kilalek nogo azi ne, “Eelta e̱le̱tti̱ ciggo̱k bu̱u̱le̱ ci gerze ko̱.”

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

I̱bu̱ru̱ 3:19

I̱yo̱ko̱ zin, iróng nege i̱i̱zo̱ lo̱o̱c cinne i̱ye̱be̱ze̱ enne, eci iróng nege a̱tu̱ Ta̱mu̱ta̱dde̱n.

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

I̱bu̱ru̱ 4:2

Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.