Lu̱ka̱ 9:12 - Tennet

¹² Imma bali yo̱mo̱na̱, i̱vi̱tta̱k to̱ni̱a̱ha̱ omoto ki ram Ye̱su̱ kar kizettek ne, “Azan kollen ne̱ko̱, anyik nogo koot o̱ro̱gjo̱we̱ cik aavtte ojonun ko̱, abunna ming ovvo amuda da̱i̱ne̱t ki ngintik oonge nege, eci kaavtte naga ngati i̱llo̱i̱ ce̱e̱zi̱.”

Lu̱ka̱ 9:12 Iomraidhean Croise

Ma̱te̱yo̱ 14:13

Baling izik Ye̱su̱ daiz ci Joni, uk zin enne etted nyatapar kar kuk ngati iróng ol acine nonno. Iziyyet zin ol ming oto enne, kar zin ol kunuwet nonno zoone o̱ro̱gjo̱we̱.

Ma̱te̱yo̱ 15:23

Iróng zin Ye̱su̱ ngen a̱pu̱k utug. I̱vi̱ta̱ zin nuyaha ciginnek kar kilaltek nonno, “Ottok ngaa necu kuk reena, eci enne awalwaleketa.”

Ma̱te̱yo̱ 15:32

Utu zin Ye̱su̱ nuyak ciginnek kar kizek nogo ne, “Kirezi anna ol ciko, kaavtte ngatu ki nogo i̱i̱nya̱ i̱i̱yo̱, i̱llo̱i̱ rok da̱i̱ne̱t cik kadak ngatu. Iróng anna korongi ki̱tto̱n nogo magizet, icima okko magiz odowa nogo goola.”

Lu̱ka̱ 9:11

ma̱i̱je̱ koole a̱gga̱c nginti ovvoye nege kar kunuwet nonno. A̱gga̱ma̱ zin enne nogo kar kozozik zoz ci obod ki ba̱a̱li̱ne̱t ci Ta̱mu̱ta̱dde̱no̱, kar kangaru ol cik orong kubunnta.

Lu̱ka̱ 9:13

Abarizek zin enne, “Aanycik nogo da̱i̱ne̱t u̱gge̱ kadait.” O̱bo̱dde̱k zin nege nonno, “Kanyaka naga umunet tu̱r ki u̱lu̱g ram niko. Maya ming kovvo katalak da̱i̱ne̱t u̱gge̱ koole cu do̱o̱k.”

Kaviyak wak Abunna Ta̱mu̱ta̱dde̱no̱ eher Joni 6:1

Baling edeca Ye̱su̱ zoz cinne, uk zin etted nyatapar kar kuk ti̱ti̱me̱ ci Ga̱li̱li̱ ci een bo̱do̱k zara uggak ne Nyatapar ci Tiberiasi,

Vilipia 1:19

eci ka̱gga̱ anna lawinte ci alawekkang niga annita Ta̱mu̱ta̱dde̱n, ki bo̱do̱k eelannet ci aanyet Vongizi ci Ye̱su̱ Ki̱ri̱sto̱, ovvo kaala ne̱k gerzek i̱nna̱ka̱ annita ko̱ ukce atin kizeto kaal cik a̱ti̱ri̱za̱n.