Lu̱ka̱ 8:54 - Tennet

⁵⁴ A̱gga̱m zin Ye̱su̱ a̱zzi̱t ci do̱le̱c bali a̱da̱k ke̱, kar kize ne, “Do̱le̱c cinanni, tinga je̱e̱na̱!”

Lu̱ka̱ 8:54 Iomraidhean Croise

Ma̱te̱yo̱ 9:25

Baling iyokta ol ne̱ke̱ do̱o̱k re̱e̱nu̱n, uk Ye̱su̱ ca̱a̱to̱ ngati a̱da̱kne̱ do̱le̱c ke̱, odong do̱le̱c a̱zzi̱t, itinga do̱le̱c uruga.

Marko 1:31

Uk zin enne ngati ngaa neci, a̱gga̱m zin nonno a̱zzi̱t kar keela nonno kitinga je̱e̱na̱. Utunga zin a̱bu̱re̱zi̱ nonno kar zin enne ki̱ti̱ri̱z nogo.

Marko 8:23

A̱gga̱m zin Ye̱su̱ e̱e̱t neci ru̱be̱ni̱ ko̱ a̱zzi̱t kar kuwe orog abanyca. Baling uturek enne amut ebere cik e̱e̱t neci kar katadek nonno azzin, i̱jji̱nno̱ zin Ye̱su̱, “Acinni i̱nna̱ gi̱i̱ imma?”

Marko 9:27

Ma̱i̱je̱ Ye̱su̱ a̱gga̱m lo̱gu̱t neci a̱zzi̱t kar zin enne kibil je̱e̱na̱.

Lu̱ka̱ 8:51

Baling arawa Ye̱su̱ ce̱e̱z ci Jairusi, iróng zin enne ngen aanyik e̱e̱t imma ki̱tto̱ ki nonno, elemi Peturu, ki Jon ki Je̱mi̱s ki be̱e̱ti̱ do̱le̱co̱ ki yaatinne do̱ niko.

Lu̱ka̱ 8:53

Atarate nege nonno, eci a̱gga̱ nege a̱da̱k enne la̱du̱n.

Lu̱ka̱ 8:55

Oboda zin vongizi cinne, kar lak co̱de̱ itinga zin enne je̱e̱na̱. U̱du̱wa̱k zin Ye̱su̱ nogo kar anycik nonno gi̱i̱ kar kadak.

Kaviyak wak Abunna Ta̱mu̱ta̱dde̱no̱ eher Joni 11:43

Baling u̱du̱wa̱ Ye̱su̱ zoz necu, utu zin daizoit muluwe ci a̱bu̱le̱, ize ne, “Lazaru, iyowa re̱e̱nu̱n!”

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Buk wa To̱ni̱a̱u̱ 9:40

Ottok Peturu nogo do̱o̱k koot reena; kar zin enne akatek u̱zu̱ngtti̱ lo̱o̱c kar kalawo. Kar zin kutuhuwe kicin ngaa ci a̱da̱k ko̱, kar kize ne, “Tabita, tinga je̱e̱na̱.” Oo Tabita ebere ciginnek, bali okko enne acin Peturu itinga kar ka̱vvu̱ je̱e̱na̱

Roma 4:17

E̱he̱rye̱ Warage ci Ta̱mu̱ta̱dde̱no̱ zoz ci obod ki Aburaham, azi ne, “Ma̱rri̱t ming kaanyi i̱nne̱t ize be̱e̱ti̱ i̱do̱ngi̱ cik meelek.” U̱du̱wa̱k Ta̱mu̱ta̱dde̱n nonno zoz necu eci enne anyak tu̱we̱ne̱t. Manyi ci aanyik ol wak a̱da̱i̱to̱ kuruget, kar kidiman kaal cik een jor.