Lu̱ka̱ 8:2 - Tennet

² ki ngaai u̱gge̱, kar bo̱do̱k enne kaara ngati ngaai ne̱ko̱ u̱gge̱ kuulo cik lo̱rye̱nta̱k ki mo̱ri̱zzo̱k u̱gge̱: Ma̱ri̱ya̱ wa een zara uggak Madalina aara Ye̱su̱ ngatinne kuulo turgerem cik iyowa ngatinne;

Lu̱ka̱ 8:2 Iomraidhean Croise

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Marko 16:1

Baling okko aṯurneke I̱i̱te̱ni̱ wa Yu̱bze̱nto̱ niko, oot Ma̱ri̱ya̱ Madalina ki Salome ki Ma̱ri̱ya̱ wa een e̱e̱ti̱ Je̱mi̱si̱, ovvo uuta keen cik ongooli laala, ocok ol maala abunna ovvo a̱vu̱de̱ ele ci Ye̱su̱ iloma.

Marko 16:9

Baling okko Ye̱su̱ ingazi daiza i̱i̱te̱ne̱ wa een oo biranoca, i̱ye̱le̱k zin enne ele cinne arrak Ma̱ri̱ya̱ Madalina, wa bali ottowe enne ngatinne kuulo cik lo̱rye̱nta̱k een turgerem ke̱.

Lu̱ka̱ 23:27

Unuwet zin ol cik meelek nonno, ki bo̱do̱k ngaai cik a̱lu̱we̱k nonno.

Lu̱ka̱ 23:49

Ma̱i̱je̱ ol wak a̱gga̱ nonno, ki ngaai balik anuwa nonno Ga̱li̱li̱kte̱ ke̱, ibilet reena, acin kaal ne̱ko̱.

Lu̱ka̱ 23:55

Unuwet ngaai balik orkora ki Ye̱su̱ Ga̱li̱li̱kte̱ ke̱ Yosevo kar kicinnet ilomi ki gool ci abahonik ele cinne.

Lu̱ka̱ 8:30

I̱jji̱n zin Ye̱su̱ nonno, “Zar cigunnek ngene?” O̱bo̱de̱k zin enne “Koole,” eci i̱tto̱zzo̱ kuulo cik meelek nonno.

Kaviyak wak Abunna Ta̱mu̱ta̱dde̱no̱ eher Joni 19:25

Abile da̱ e̱e̱ti̱ Ye̱su̱ keete ci een ta̱la̱ke̱c abanyca ki ngooni ki Ma̱ri̱ya̱ ngaa ci e̱e̱t ci een zara Klopas. Abile da̱ Ma̱ri̱ya̱ Madalina bu̱k ojonun nginati ododine Ye̱su̱ ke̱.

Buk wa To̱ni̱a̱u̱ 1:14

I̱vi̱ta̱ zin nege alayo do̱o̱k nga̱to̱de̱ ki ngaai ki Ma̱ri̱ya̱ e̱e̱ti̱ Ye̱su̱ ki gotonoggi bu̱k.