Biblia Todo Logo
Bìoball air-loidhne

- Sanasan -




Lu̱ka̱ 8:15 - Tennet

15 Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Faic an caibideil Dèan lethbhreac




Lu̱ka̱ 8:15
40 Iomraidhean Croise  

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.


O̱bo̱de̱k zin Ye̱su̱ nonno, “U̱mu̱yu̱kte̱ zin abarik ol wak aziye zoz ci Ta̱mu̱ta̱dde̱no̱ kar ko̱to̱ngo̱o̱ltte̱ zoz neci.”


Anyaha e̱e̱ti̱ ci abunna kaal cik abunna ngati adazze enne zinine cinne, kar e̱e̱ti̱ ci mu̱nye̱nu̱ anyak kaal cik mu̱nye̱nu̱ ngati adazze enne zinine cinne. Eci enne ozoz utuga kaal cik abbize zinin cinne.


Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.


“I̱llo̱i̱ e̱e̱t imma ci alanycek tukulec kar karik í̱jjó̱ icima arike kwe̱e̱n ecito. Abarik arike enne tukulec nginti abilne tukuleci, kar ol ne̱k i̱i̱zo̱ ce̱e̱z kicinnet tukulec.


Izek zin bo̱do̱k Ye̱su̱ nogo ne, “Ming irezang niga annit, elemnyyu zoz ci ka̱du̱wa̱ anna.


Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.


Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.


I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.


Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.


Gotonogga ki ngonogga tu̱we̱nta̱, aave baizi ci ogon niko bu̱k ngatinno̱ng. Iróng lo̱ti̱nno̱wa̱ bo̱do̱k anyak ngatinno̱ng komiz ci kar kabalung, eci bali a̱da̱kne̱ Ye̱su̱ ke̱, ogon ki i̱yo̱ko̱ bu̱k a̱da̱kttu̱ niga ki nonno lo̱ti̱nno̱we̱. Anyakku zin niga gool ci arumenu ki Ki̱ri̱sto̱ bali ingazi daiza kurug ke̱, abunna zin ka̱li̱ngli̱nge̱k Ta̱mu̱ta̱dde̱n.


I̱yo̱ko̱ zin, ming karikka naga zi̱nze̱tti̱ kaal cik ngen naga kicinnet, kere zin zi̱nze̱tti̱nne̱ cik alali.


Eci zo̱ze̱ ci ettede ol vi̱ca̱vi̱ca̱ icima iróng etted ko̱, i̱llo̱i̱ zoz imma ci gerze. Riil zoz ci azunne e̱e̱ti̱ zoz ci Ta̱mu̱ta̱dde̱no̱ do̱ niko.


Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.


a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.


Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.


balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.


Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.


Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.


Abunna nimenet no̱ngi̱tto̱n ming edeca li̱ngli̱ngo̱n cinne baize cunne kar atin i̱nna̱ a̱vvu̱ ju̱rru̱m, ize i̱nna̱ e̱e̱t ci anyai arizet baiza, i̱llo̱i̱ gi̱i̱ imma ci a̱zze̱ ngatunne to.


Ming kazunne naga lo̱ti̱nno̱k ciginnek, i̱ye̱la̱ zoz necu azi ne, ka̱gga̱ naga nonno de̱de̱.


Lean sinn:

Sanasan


Sanasan