Lu̱ka̱ 8:12 - Tennet

¹² Ovvo i̱nyo̱mo̱na̱ ne̱k i̱i̱na̱k gool ko̱, ogon nege ki ol cik aziye zoz ci Ta̱mu̱ta̱dde̱no̱, kar zin lo̱rye̱nti̱ ki̱ki̱ya̱ kogoroz zoz zi̱nze̱tti̱nne̱ cigge̱k, kar atin iróng nege a̱tu̱we̱ icima amuda ti̱ri̱ze̱ne̱t.

Lu̱ka̱ 8:12 Iomraidhean Croise

Ma̱te̱yo̱ 13:19

Ogon i̱nyo̱mo̱na̱ wak i̱i̱na̱k gool ko̱ ki ol wak iziyyet zoz ci kaviyak cik ba̱a̱li̱ne̱t ci Ta̱mu̱ta̱dde̱no̱, kar ngatu iróng a̱gga̱. A̱kku̱ lo̱rye̱nti̱ kar ki̱ki̱ya̱ kaama kaviyak ne̱ke̱ zi̱nze̱tti̱nne̱ cigge̱k.

Ma̱te̱yo̱ 13:4

Ma baling azzac enne i̱nyo̱mo̱, i̱i̱na̱k i̱nyo̱mo̱na̱ uggak gool, i̱vi̱ta̱ iballi ebertta ne̱ke̱.

Marko 4:15

Ogon ol uggak ki i̱yo̱ko̱ i̱nyo̱mo̱na̱ cik i̱i̱na̱k gool ko̱, nginti arirene zoz. Ming aziye nege ataman niko, a̱kku̱ Sitani okko irana zoz ci arire zi̱nze̱tti̱nne̱ cigge̱k ko̱.

Lu̱ka̱ 8:11

“Icu keng ci tubzento: E̱e̱ggi̱n i̱nyo̱mo̱na̱ zoz ci Ta̱mu̱ta̱dde̱no̱.

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Lu̱ka̱ 8:5

“Okko e̱e̱ti̱ ci e̱e̱vye̱ okko arir ma̱na̱ cinne. Baling okko enne azacek i̱nyo̱mo̱, itazak i̱nyo̱mo̱na̱ uggak gool; kar zin ol korocit zoone, kar iballi cik ta̱mu̱-kengo keberta ne̱ke̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.