Lu̱ka̱ 7:8 - Tennet

⁸ Eci anna bu̱k eliya kanyai ddi̱ki̱ryo̱i̱t cinanni, kanyai anna bu̱k aciir cik aavtte vu̱rrte̱ cinanni. Ming ka̱du̱wa̱k anna zoz co̱de̱ aciiroc, ‘Bito,’ kar enne kuk; kar bo̱do̱k aciiroc co̱de̱ ke̱, ‘I̱jja̱,’ kar enne ki̱ki̱ya̱. Ka̱nne̱k du̱ca̱i̱t cinanni ne, ‘Tu̱gu̱ gi̱i̱ cu,’ ogon enne.”

Lu̱ka̱ 7:8 Iomraidhean Croise

Lu̱ka̱ 7:7

Zoz ci iróng anna kogonni ele cinanni kazi ne kabunna kar ki̱ki̱ya̱ rok i̱nne̱ta̱. Abarik du̱wa̱ zoz, kar atin du̱ca̱i̱ti̱ cinanne kubunna.

Lu̱ka̱ 7:9

Baling izik Ye̱su̱ zoz necu, u̱ku̱le̱k enne nonno, kar zin kutuhuwe kicin zu̱we̱ ne̱k annu nonno ke̱, kar kize ne, “Ka̱du̱wa̱kku̱ng, ngen anna kumuda tu̱we̱ne̱t ci ogon niko udut Israila.”

Buk wa To̱ni̱a̱u̱ 23:17

Utu zin Pa̱u̱lo̱ ddi̱ki̱ryo̱i̱t co̱de̱ ci aciiru kar kizek ne, “Bite lo̱gu̱t cu ngati ddi̱ki̱ryo̱i̱t wa a̱ddi̱ki̱re̱ ko̱, anyak zoz ci orong enne ku̱du̱wa̱k nonno.”

Buk wa To̱ni̱a̱u̱ 23:23

Utu zin ddi̱ki̱ryo̱i̱ti̱ wa a̱ddi̱ki̱re̱ ko̱ ddi̱ki̱ryyo̱k ciginnek rama kar ku̱du̱wa̱k nogo, a̱nne̱k ne, “Idimtta aciir cik een obet rama, aciir cik ottod vartange moten turgerem ki aciir cik illanyau obet rama koot o̱rge̱ ci een Kesarea ming ize saa torkoc atidic ba̱a̱l.

Buk wa To̱ni̱a̱u̱ 23:26

Eher Claudius Lysias, Keherik ddi̱ki̱ryo̱i̱t, Ve̱li̱ce̱ ddi̱ki̱ryo̱i̱t ci gaalau: Zawinet.

Buk wa To̱ni̱a̱u̱ 23:31

U̱tu̱gu̱zzo̱ zin aciiri zoz bali a̱du̱wa̱k ddi̱ki̱ryo̱i̱ti̱ nogo ke̱, o̱o̱tte̱ zin Pa̱u̱lo̱ bali ba̱a̱l rok orog ci een zara Antipatris.

Buk wa To̱ni̱a̱u̱ 24:23

Kar zin enne ku̱du̱wa̱k ddi̱ki̱ryo̱i̱t wa aciiru kebek Pa̱u̱lo̱ kar kaanyik nonno koto labak kar bo̱do̱k kanyik gonoggi kanyaktak gi̱i̱ ci ette orong enne.

Buk wa To̱ni̱a̱u̱ 25:26

A̱zze̱ zin zoz ci kar anna keteherek alaan wa a̱ddi̱ki̱re̱ Romi. I̱yo̱ko̱ zin, kanyahakung anna la̱du̱n nonno i̱ge̱ta̱, ommogje i̱nne̱t alaan Agirippa, kar ming edeca i̱nna̱ ji̱ne̱ne̱t nonno, kar wo̱ye̱ anna keteher zoz ci obod ki nonno.

Kolosiya 3:22

Imma niga ol cik e̱e̱ggi̱nnu̱ du̱cca̱k ko̱, abunna ming o̱ngo̱o̱li̱nnu̱ ma̱ci̱gi̱ ce̱e̱zi̱; kar u̱tu̱gu̱z li̱ngli̱ngo̱n ju̱rru̱m, ma ogonnu li̱ngli̱ngo̱n ming acinnu ebere cigge̱k do̱ kar nege katalttung, abarik i̱li̱ngli̱nge̱t zi̱nze̱tti̱nne̱ cik alali de̱de̱ ngati o̱ngo̱o̱li̱nnu̱ Manyi, iróng een e̱e̱t ci diiri.