Lu̱ka̱ 7:6 - Tennet

⁶ Kar zin Ye̱su̱ korkorrit ki nogo. Iróng da̱ enne aave reena ce̱e̱za̱ baling i̱tto̱na̱ ddi̱ki̱ryo̱i̱ti̱ gonoggi u̱gge̱ koot kizettek nonno ne: “Manyi, ma azuca ele cunne gaganiko, eci iróng agano ming a̱kku̱nni̱ i̱nna̱ rok ce̱e̱z cinanni.

Lu̱ka̱ 7:6 Iomraidhean Croise

Kananet 32:10

Iróng wo̱ye̱ kaganona ki bunnat ki zoz ci azunne i̱nna̱ i̱ye̱le̱k du̱ca̱i̱t cunne. Kanyai ba̱li̱ye̱ ki̱ri̱ ci komtine baling ngen kettedi moro ci een zara Jordan. Imma i̱yo̱ko̱ kanyai koolen ram cik ollu ki kaal.

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Marko 5:24

Orkorrit zin Ye̱su̱ ki nonno. Unuwet zin koole ci a̱ppwe̱ nonno kar kuburuktek orgen.

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Lu̱ka̱ 7:4

Baling i̱vi̱tta̱k nege Ye̱su̱, ilalttek zin nege nonno oroot, “Agano ming ogonik i̱nna̱ e̱e̱t neci zoz cu,

Lu̱ka̱ 7:5

eci enne irez lo̱o̱c cinna ko̱ kar bo̱do̱k enne keteehenyet agit Ce̱e̱z wa Lawinto.”

Lu̱ka̱ 7:7

Zoz ci iróng anna kogonni ele cinanni kazi ne kabunna kar ki̱ki̱ya̱ rok i̱nne̱ta̱. Abarik du̱wa̱ zoz, kar atin du̱ca̱i̱ti̱ cinanne kubunna.

Lu̱ka̱ 8:49

Baling ngen Ye̱su̱ ozozi, i̱ki̱ya̱ e̱e̱ti̱ imma ce̱e̱ze̱ ci Jairusi, ddi̱ki̱ryo̱i̱t ci Ce̱e̱z wa Lawinto. Kar enne ku̱du̱wa̱k Jairus kize ne, “A̱da̱k buweenyunne. Ma ngen azuca de̱me̱zo̱i̱t gaganiko.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Je̱mi̱s 4:10

Ma odongnyu e̱le̱tti̱ ngati Manyi, kar atin enne kodongeung ta̱dde̱n.

Je̱mi̱s 4:6

Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”