Lu̱ka̱ 7:43 - Tennet

⁴³ O̱bo̱de̱k zin Si̱mo̱ne̱ nonno, “Ma wo̱ye̱ ming alalek enne e̱e̱t ci anyak nga̱bo̱lo̱ ci a̱ppwe̱ ko̱.” Ize zin Ye̱su̱ ne, “De̱de̱, ettedu i̱nna̱ ju̱rru̱m.”

Lu̱ka̱ 7:43 Iomraidhean Croise

Ma̱te̱yo̱ 18:27

Atamatek zin enne nonno, kar zin enne kalalek nonno kar kaanyik kuk ci iróng atin ngen a̱ru̱k nga̱bo̱lo̱ neci.

Marko 12:34

Baling icin Ye̱su̱ e̱e̱t neci ming abarizek nonno zoz ci een de̱de̱, izek zin nonno ne, “Iróng i̱nna̱ e̱e̱ni̱ reen ba̱a̱li̱nte̱ ci Ta̱mu̱ta̱dde̱no̱.” Kar zin nginati, iróng e̱e̱ti̱ imma ngen orong ki̱jji̱n Ye̱su̱.

Lu̱ka̱ 10:38

Baling ovvo Ye̱su̱ ki nuyak ciginnek eroni, kar goola i̱vi̱tta̱k nege orog ci abahe ngaa ci een zara Marta kar aanyik nonno ki̱ki̱ya̱ ce̱e̱z cinne.

Lu̱ka̱ 7:42

I̱llo̱i̱ e̱e̱t imma ngatinne̱ng ci kar wo̱ye̱ ku̱ru̱k o̱ro̱bi̱ya̱ ne̱ke̱, alalek zin enne nogo do̱o̱k ngabolet ne̱ke̱. I̱yo̱ko̱ ngene ngatinne̱ng ci wo̱ye̱ irez nonno oroot?”

Lu̱ka̱ 7:44

Kar zin enne kutuhuwe kicin ngaa neci kar kizek Si̱mo̱ne̱ ne, “Acinni i̱nna̱ ngaa cu? Ki̱ki̱ya̱ anna rok ce̱e̱z cunne, ngen i̱nna̱ inya annit maam cik kunyene anna zo̱o̱ cigannik, abarik enne uculahan zo̱o̱ cigannik ti̱la̱lo̱i̱ kar ki̱ti̱vi̱l zo̱o̱ cigannik imane ciginnek.

Lu̱ka̱ 7:47

I̱yo̱ko̱ zin, ka̱du̱wa̱ki̱ anna i̱nne̱ta̱, aartai mu̱nye̱na̱ ciginnek meelek ko̱, eci enne ireze oroot. Ma̱i̱je̱ e̱e̱ti̱ ci aartai mu̱nye̱na̱ ciginnek cikidik ireze bo̱do̱k enne idic.”