Lu̱ka̱ 7:42 - Tennet

⁴² I̱llo̱i̱ e̱e̱t imma ngatinne̱ng ci kar wo̱ye̱ ku̱ru̱k o̱ro̱bi̱ya̱ ne̱ke̱, alalek zin enne nogo do̱o̱k ngabolet ne̱ke̱. I̱yo̱ko̱ ngene ngatinne̱ng ci wo̱ye̱ irez nonno oroot?”

Lu̱ka̱ 7:42 Iomraidhean Croise

Ma̱te̱yo̱ 18:27

Atamatek zin enne nonno, kar zin enne kalalek nonno kar kaanyik kuk ci iróng atin ngen a̱ru̱k nga̱bo̱lo̱ neci.

Ma̱te̱yo̱ 18:34

Kar zin alaani kaanyik nonno ol wak eceb ol lagama, ki̱bi̱ce̱ ju̱rru̱m nginti a̱ru̱we̱ enne nga̱bo̱lo̱ cinne.

Ma̱te̱yo̱ 6:12

Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.

Lu̱ka̱ 7:43

O̱bo̱de̱k zin Si̱mo̱ne̱ nonno, “Ma wo̱ye̱ ming alalek enne e̱e̱t ci anyak nga̱bo̱lo̱ ci a̱ppwe̱ ko̱.” Ize zin Ye̱su̱ ne, “De̱de̱, ettedu i̱nna̱ ju̱rru̱m.”

Roma 3:24

Imma zin abarik Manyi bunnate cinne aanyik ol kubunnta ngu̱me̱ cinne ollin zo̱ze̱ ci Ye̱su̱ Ki̱ri̱sto̱, wa bali a̱da̱i̱ keete ci een ta̱la̱ke̱c.

Roma 5:6

Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Kolosiya 3:13

Abait ki ol do̱o̱k yahe. Alaltek e̱le̱tti̱ cuggo̱k, ming abac e̱e̱ti̱ zoz imma, ming omozinnu niga nu̱nu̱n zo̱ze̱ cinne, alaltek. Alaltek ol ki baling alaleung Manyi i̱ge̱ta̱ ke̱.