Lu̱ka̱ 7:34 - Tennet

³⁴ A̱kku̱ Ngerrti E̱e̱to̱ adakce, aude, kar niga izet ne, ‘Een enne elemnyoit kar bo̱do̱k kize bba̱kco̱i̱t, een enne gonen ki ol wak aluta mucuru olle ki olli mu̱nye̱nu̱.’

Lu̱ka̱ 7:34 Iomraidhean Croise

Ma̱te̱yo̱ 11:19

Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Ma̱te̱yo̱ 9:11

Baling icinnet olli Varacisi zoz necu, i̱jji̱nne̱t zin nuyak cik Ye̱su̱, a̱nne̱k ne, “Inya ming adakce de̱me̱zo̱i̱ti̱ cinno̱ng ki ol wak aluta mucuru olle ki ol wak mu̱nye̱nu̱ bu̱k ko̱?”

Lu̱ka̱ 11:37

Baling edeca Ye̱su̱ zoz, i̱ki̱ya̱ zin e̱e̱ti̱ ci een Varacis, utu Ye̱su̱ abunna ming ovvo adakce ki nonno ce̱e̱ze̱ cinne; kar zin enne kuk ka̱vvu̱to̱ ki nogo ngati da̱i̱nto̱.

Lu̱ka̱ 14:1

Imma I̱i̱te̱ne̱ wa Yu̱bze̱nto̱ co̱de̱, baling okko da̱ Ye̱su̱ da̱i̱ne̱t ce̱e̱ze̱ ci e̱e̱t ci Varacisi a̱ddi̱ki̱re̱, egelem da̱ ol nonno oroot.

Lu̱ka̱ 15:2

Ma̱i̱je̱ olli Varacisi ki de̱me̱zzo̱k wak lo̱ti̱nno̱u̱ utuburet nong, izeto ne, “Awa e̱e̱ti̱ cu olli mu̱nye̱nu̱ kar enne kadakto ki nogo.”

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 5:29

Idimanek zin Le̱vi̱ Ye̱su̱ da̱i̱ne̱t ce̱e̱ze̱ cinne, kar koole ci a̱ddi̱ki̱re̱ olle wak a̱gga̱ma̱ ol mucuru ki ol u̱gge̱ kadakto ki nogo nga̱to̱de̱.

Lu̱ka̱ 7:33

Eci Jon Ba̱ti̱ti̱mo̱ a̱kku̱ iróng adakce icima aud merte, kar niga izet ne, ‘Anyak enne kuuloc ci lo̱rye̱nto̱.’

Lu̱ka̱ 7:35

Ma̱i̱je̱ genyizi i̱ye̱la̱i̱ een de̱de̱ ngati dooli ciginnek do̱o̱k.”

Lu̱ka̱ 7:36

I̱yo̱ko̱ utu e̱e̱ti̱ co̱de̱ ci Varacisi Ye̱su̱ rok ce̱e̱z cinne ki̱ki̱ya̱ kadaho ce̱e̱ze̱ cinne, uk zin enne rok ce̱e̱z ci Varaciso kar ka̱vvu̱to̱ ngati da̱i̱nto̱.

Kaviyak wak Abunna Ta̱mu̱ta̱dde̱no̱ eher Joni 12:2

U̱tu̱ku̱rtte̱k zin da̱ ciko Marta Ye̱su̱ da̱i̱ne̱t wa ba̱a̱li̱no̱, orong kaanycik nonno zany, kar zin kaanycik nogo, aave da̱ Lazaru to adakce ki Ye̱su̱ nga̱to̱de̱.

Kaviyak wak Abunna Ta̱mu̱ta̱dde̱no̱ eher Joni 2:2

Awa da̱ ol Ye̱su̱ ki nuyak waginnek bu̱k rucente neci.