Lu̱ka̱ 7:2 - Tennet

² Anyak da̱ ddi̱ki̱ryo̱i̱ti̱ ci aciiru Romi du̱ca̱i̱t ci irez enne oroot, odoyai kize daizoit.

Lu̱ka̱ 7:2 Iomraidhean Croise

Kananet 24:27

ngati aziwe ne, “Kinnati Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, iróng enne ungnek bunnat cinne kar kuzute zoz cinne ngati ddi̱ki̱ryo̱i̱t cinanni. Imma ngatinanni, aanya Manyi keeron rok boor ci ddi̱ki̱ryo̱i̱t cinanni.”

Kananet 35:8

A̱da̱k zin Deborah, ngaa bali azunne Rebekah kar zin Ya̱ko̱bo̱ kadawek nonno keet vu̱rru̱t, Bethel abanyca. Kar zin kakatozik zara cik een Allon Bacuth.

Ma̱te̱yo̱ 27:54

Baling icin ddi̱ki̱ryo̱i̱ti̱ ci aciiru ki aciir balik ebek Ye̱su̱ ko̱ ki̱rki̱ri̱k ki kaal ne̱k ogone ke̱ do̱o̱k, o̱to̱ngo̱o̱ltte̱ nege lo̱o̱c oroot, kar kizeto ne, “Een ette enne de̱de̱ Ngerrti Ta̱mu̱ta̱dde̱no̱.”

Lu̱ka̱ 23:47

Ma̱i̱je̱ ddi̱ki̱ryo̱i̱ti̱ ci aciiru da̱ aave nginati, icin kaal ne̱ko̱ do̱o̱k zee, kar zin kinnat Ta̱mu̱ta̱dde̱n kar kize ne, “De̱de̱ zin, een da̱ e̱e̱ti̱ necu e̱e̱t ci abunna.”

Lu̱ka̱ 7:1

Baling edeca Ye̱su̱ zoz ngati ozozek ol cik aziye zoz cinne, i̱tto̱ zin orog ci een Kapernaum.

Lu̱ka̱ 7:3

Izik ddi̱ki̱ryo̱i̱ti̱ zoz ci Ye̱su̱ kar enne ki̱tto̱n lo̱ddi̱ki̱re̱ cik Ya̱u̱da̱k koot ngatinne, ovvo a̱jji̱n nonno abunna ming a̱kku̱ kar ki̱ki̱ya̱ kangaru du̱ca̱i̱t cinne.

Lu̱ka̱ 8:42

eci buweenyinne ci o̱de̱ ṯok, een e̱rki̱nya̱ omoto ki ram, ize daizoit. Baling okko Ye̱su̱ goola, orongit abarik koole kiyotit nonno.

Buk wa To̱ni̱a̱u̱ 10:1

Anyak bali e̱e̱t ci een ddi̱ki̱ryo̱i̱t ci aciiru een zara Kornelio balik akannek ol aciir ne̱ke̱ kizeto zara Italiya, kar enne kabak o̱rge̱ ci een Kesarea.

Buk wa To̱ni̱a̱u̱ 10:7

Baling okko a̱mi̱re̱ anjilo ci ozozek nonno ko̱, utu Korneliosi du̱cca̱k ciginnek e̱e̱ggi̱n rama ki aciiroc cinne co̱de̱ zinino.

Buk wa To̱ni̱a̱u̱ 22:26

Ma baling izik ddi̱ki̱ryo̱i̱ti̱ zoz necu, uk ngati ddi̱ki̱ryo̱i̱t wa a̱ddi̱ki̱re̱ aciiru do̱o̱k kar zin kizek ne, “Okko i̱nna̱ ogoni nyaa ngati e̱e̱t ci Romi ko̱.”

Buk wa To̱ni̱a̱u̱ 23:17

Utu zin Pa̱u̱lo̱ ddi̱ki̱ryo̱i̱t co̱de̱ ci aciiru kar kizek ne, “Bite lo̱gu̱t cu ngati ddi̱ki̱ryo̱i̱t wa a̱ddi̱ki̱re̱ ko̱, anyak zoz ci orong enne ku̱du̱wa̱k nonno.”

Buk wa To̱ni̱a̱u̱ 27:1

Baling odolta nege kar ki̱tto̱nnte̱t i̱bo̱wa̱ rok lo̱o̱c ci een Italiya, anyozik Pa̱u̱lo̱ ki ol u̱gge̱ wak e̱ce̱bje̱ lagama ko̱, ddi̱ki̱ryo̱i̱t ci een zara Julius. “Een enne ddi̱ki̱ryo̱i̱t ci aciiru balik akannek ol zar cik alaan wa Romi.”

Buk wa To̱ni̱a̱u̱ 27:3

Imma i̱i̱te̱n ci reng ka̱ra̱yya̱ naga orog ci een Sidon; kar Juliusi bunnate cinne aanyik Pa̱u̱lo̱ kuk ki̱vo̱n gonoggi abunna ming anyik kaal cik orong enne.

Buk wa To̱ni̱a̱u̱ 27:43

Imma ddi̱ki̱ryo̱i̱ti̱ wa aciiru orong keela Pa̱u̱lo̱ kurug. Alam zin enne aciir ngati orong ku̱ru̱kte̱ nogo. U̱du̱wa̱k zin enne ol cik a̱gga̱ du̱nye̱ne̱t anyik ki̱ta̱za̱k maam kar koot ti̱ti̱ma̱.

Kolosiya 3:22

Imma niga ol cik e̱e̱ggi̱nnu̱ du̱cca̱k ko̱, abunna ming o̱ngo̱o̱li̱nnu̱ ma̱ci̱gi̱ ce̱e̱zi̱; kar u̱tu̱gu̱z li̱ngli̱ngo̱n ju̱rru̱m, ma ogonnu li̱ngli̱ngo̱n ming acinnu ebere cigge̱k do̱ kar nege katalttung, abarik i̱li̱ngli̱nge̱t zi̱nze̱tti̱nne̱ cik alali de̱de̱ ngati o̱ngo̱o̱li̱nnu̱ Manyi, iróng een e̱e̱t ci diiri.