Lu̱ka̱ 7:16 - Tennet

¹⁶ O̱to̱ngo̱o̱ltte̱ zin nege do̱o̱k kar zin kinnatit Ta̱mu̱ta̱dde̱n, kizeto ne, “I̱ye̱la̱i̱ a̱ri̱to̱i̱ti̱ ci a̱ddi̱ki̱re̱ orgene cinna. I̱ki̱ya̱ Ta̱mu̱ta̱dde̱n eela ol ciginnek.”

Lu̱ka̱ 7:16 Iomraidhean Croise

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Ma̱te̱yo̱ 15:31

U̱ku̱lte̱k ol je̱e̱n baling iziyyet ol balik adite iina ke̱ ming ozozi, ubunntta ol wak nganynganyik zoona, otozo ol balik ngooltik, icinte ol balik ru̱be̱ni̱k. Kar zin kinnatit Ta̱mu̱ta̱dde̱n wa ala olli Israilo.

Ma̱te̱yo̱ 21:11

O̱bo̱dde̱k zin koole gonoggi, a̱nne̱k ne, “Een necu Ye̱su̱, a̱ri̱to̱i̱t wa a̱kku̱ o̱rge̱ ci een Nazeret, Ga̱li̱li̱ya̱.”

Ma̱te̱yo̱ 28:8

O̱to̱ngo̱o̱ltte̱ ngaai kar bo̱do̱k katalto, ngati i̱mi̱rtte̱ iloma ataman ovvo a̱du̱wa̱k nuyak ciginnek.

Ma̱te̱yo̱ 9:8

Baling icinnet koole zoz necu, u̱ku̱lte̱k je̱e̱n, kar zin kinnatit Ta̱mu̱ta̱dde̱n eci anyike Ta̱mu̱ta̱dde̱n ol komiz.

Lu̱ka̱ 1:65

O̱to̱ngo̱o̱ltte̱ zin ol cik locariyo kar ol kozozit lo̱o̱ce̱ ci Ju̱de̱ya̱ ko̱ veelek kaal ne̱ko̱.

Lu̱ka̱ 1:68

“Kinnati Manyi Ta̱mu̱ta̱dde̱n ci Israilo, eci enne i̱ki̱ya̱ i̱ti̱ri̱z ol ciginnek.

Lu̱ka̱ 19:44

Orocekung atin nege i̱ge̱ta̱ ki dooli do̱o̱k di̱la̱twa̱ cuggo̱k ecito. Iróng atin nege ungnek bee co̱de̱ ka̱vvu̱ o̱o̱we̱ ci gononi, eci iróng niga ba̱li̱ye̱ elemnyyu i̱i̱te̱n ci a̱kku̱na̱kku̱ng Ta̱mu̱ta̱dde̱n i̱ge̱ta̱.”

Lu̱ka̱ 2:20

I̱mi̱rrte̱ zin tuwayowa, a̱di̱ngdi̱nga̱n Ta̱mu̱ta̱dde̱n kaale cik iziyyet nege ki cik icinnet nege, ogon ki bali ming u̱du̱ya̱i̱ ke̱.

Lu̱ka̱ 24:19

I̱jji̱n zin Ye̱su̱ nogo iizek ne, “Kaal jang?” O̱bo̱dde̱k zin nege, “Kaal cik obod ki Ye̱su̱ wa Nazereti, een bali enne a̱ri̱to̱i̱t ci zoz ci Ta̱mu̱ta̱dde̱no̱, anyak komiz ci a̱ppwe̱ oroot zoza ki kaale wak u̱tu̱gu̱ enne ngati Ta̱mu̱ta̱dde̱no̱ ki olle do̱o̱k.

Lu̱ka̱ 5:26

U̱ku̱lte̱k zin ol do̱o̱k je̱e̱n kar zin kinnatit Ta̱mu̱ta̱dde̱n. A̱bba̱ri̱te̱t da̱ nege oroot kar kizeto ne, “Kicinnta kaal cik i̱i̱na̱k zi̱nze̱tti̱ cigga̱c wazin necu.”

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Lu̱ka̱ 7:15

Itinga zin lo̱gu̱t bali a̱da̱k ke̱ je̱e̱na̱ kar kozoz, kar zin Ye̱su̱ kobodek kaanyik nonno yaatinne.

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Lu̱ka̱ 8:37

I̱jji̱nne̱t zin ol do̱o̱k cik lo̱o̱c ci Gerasenes Ye̱su̱ anyik kutungek lo̱o̱c cinne̱ng lo̱o̱c, eci nege o̱to̱ngo̱o̱ltte̱ lo̱o̱c oroot. Ottod zin enne i̱bo̱ orong kuk.

Lu̱ka̱ 9:19

O̱bo̱dde̱k zin nege, “Azi ol uggak ne Jon Ba̱ti̱ti̱mo̱; ovvo uggak azi ne E̱li̱ja̱; kar uggak kizeto ne a̱ri̱to̱i̱t co̱de̱ bali reeni ci i̱ki̱ya̱ obodak ruget.”

Kaviyak wak Abunna Ta̱mu̱ta̱dde̱no̱ eher Joni 1:21

I̱jji̱nne̱t zin nege nonno, “E̱e̱ni̱ zin i̱nna̱ ngene? E̱e̱ni̱ i̱nna̱ E̱li̱ja̱?” O̱bo̱de̱k zin enne nogo a̱nne̱k ne, “A̱zze̱ to.” I̱jji̱nne̱t zin bo̱do̱k nege nonno dee, “E̱e̱ni̱ i̱nna̱ a̱ri̱to̱i̱t ci muluk ci Ta̱mu̱ta̱dde̱no̱ wa bali u̱du̱ya̱i̱ okko atin i̱tto̱na̱i̱ ke̱?” O̱bo̱de̱k Joni nogo a̱nne̱k ne, “A̱zze̱ to.”

Kaviyak wak Abunna Ta̱mu̱ta̱dde̱no̱ eher Joni 1:25

I̱jji̱nne̱t zin nonno, “Ming iróng i̱nna̱ e̱e̱ni̱ Ki̱ri̱sto̱ wa atahalai, icima a̱ri̱to̱i̱t ci zoz ci Ta̱mu̱ta̱dde̱no̱ wa een E̱li̱ja̱, icima a̱ri̱to̱i̱t ci u̱du̱ya̱i̱ okko atin a̱kku̱ ke̱, a̱gga̱me̱k ol ba̱ti̱ti̱mo̱ nya?”

Kaviyak wak Abunna Ta̱mu̱ta̱dde̱no̱ eher Joni 4:19

Izek zin ngaa neci Ye̱su̱ ne, “Ddi̱ki̱ryo̱i̱t, kacinni e̱e̱ni̱ i̱nna̱ a̱ri̱to̱i̱t ci zoz ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 6:14

Baling icinnet ol kaal cik a̱vu̱la̱ u̱tu̱gu̱ Ye̱su̱ ko̱, izeto ne, “De̱de̱, een e̱e̱ti̱ necu a̱ri̱to̱i̱t ci bali azi ne a̱kku̱nna̱k atin lo̱o̱c ke̱ nenen necu.”

Kaviyak wak Abunna Ta̱mu̱ta̱dde̱no̱ eher Joni 9:17

Imma bali vu̱rrta̱, i̱mi̱ro̱zi̱k bo̱do̱k e̱e̱t wanai ru̱be̱ni̱ ke̱, kar zin kizettek ne, “Anyak zoz ci ozozi ci obod ki e̱e̱t ci oo ebere cigunnek ko̱, azi i̱nna̱ ne zo̱ze̱ cinne?” O̱bo̱de̱k zin e̱e̱ti̱ neci nogo, izek ne, “Een e̱e̱ti̱ neci a̱ri̱to̱i̱t ci zoz ci Ta̱mu̱ta̱dde̱no̱.”

Buk wa To̱ni̱a̱u̱ 5:5

Baling izik Ananiyasi zoz necu, u̱yu̱we̱ zin enne niko kar zin ka̱da̱k. Kar zin dalanzet ci a̱ppwe̱ kiddera ol do̱o̱k wak aziye zoz neci.

Buk wa To̱ni̱a̱u̱ 7:37

“U̱du̱wa̱k Musesi eliya ol cik Israilo, a̱nne̱k ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱.’

Ga̱la̱ti̱a̱ 1:24

Innatit zin nege Ta̱mu̱ta̱dde̱n zo̱ze̱ cinanni.