Lu̱ka̱ 6:8 - Tennet

⁸ Ma̱i̱je̱ Ye̱su̱ a̱gga̱ zoz ci i̱no̱n nege zi̱nze̱tti̱nne̱ cigge̱k veelek kar kizek e̱e̱t ci ngooli a̱zzi̱ti̱ ko̱ ne, “Tinga je̱e̱na̱ kar bil ngu̱me̱ ci ollu do̱o̱k.” Itinga zin enne je̱e̱na̱ kar kibil nginati.

Lu̱ka̱ 6:8 Iomraidhean Croise

Ma̱te̱yo̱ 9:4

Ma̱i̱je̱ Ye̱su̱ a̱gga̱ kaal cik anyak nege zi̱nze̱tti̱nne̱ kar kize ne, “Inya ming i̱no̱nnu̱ niga kaal cik gerzek zi̱nze̱tti̱nne̱ cuggo̱k ko̱?

Marko 3:3

Izek zin Ye̱su̱ e̱e̱t neci arude a̱zzi̱ti̱ ke̱ ne, “Bil je̱e̱na̱ ngu̱me̱ ci ollu veelek.”

Lu̱ka̱ 13:12

Baling icin Ye̱su̱ nonno, utu zin ngaa neci ngooli ke̱ kar kizek ne, “Ngaa cu, ogjai i̱nna̱ morize necu.”

Lu̱ka̱ 5:22

A̱gga̱ Ye̱su̱ zoz ci i̱no̱n nege kar ki̱jji̱n nogo, “Nya ming i̱no̱nnu̱ niga kaal ne̱ko̱ zi̱nze̱tti̱nne̱ ciggo̱k?

Lu̱ka̱ 6:9

A̱nne̱k zin Ye̱su̱ nogo ne, “Ka̱jji̱nnu̱ng anna i̱ge̱ta̱, gi̱i̱ jang ci abunna I̱i̱te̱ne̱ wa Yu̱bze̱nto̱: ku̱tu̱gu̱ kaal cik abunna icima ku̱tu̱gu̱ kaal cik mu̱nye̱nu̱, ki̱ti̱ri̱z ruget icima kegerzano?”

Kaviyak wak Abunna Ta̱mu̱ta̱dde̱no̱ eher Joni 2:25

Iróng enne orong zoz ci okko a̱du̱wa̱k nonno e̱e̱ti̱ gi̱i̱ ci obod ki e̱e̱t imma, ma̱rri̱t enne Ye̱su̱ eliya a̱gga̱ kaal wak anyak e̱e̱ti̱ ci diiri zinina.

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 9:4

Abunna ka̱li̱ngli̱ng li̱ngli̱ngo̱n ci e̱e̱t bali i̱tto̱na̱na̱ ke̱ ming een looci wazin ko̱, ming okko ba̱a̱li̱ni̱ a̱kku̱, iróng e̱e̱ti̱ imma ngen a̱li̱ngli̱ngi̱.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 26:26

A̱gga̱ alaani Agirippa zoz necu, koobek wo̱ye̱ anna nonno labak. Ka̱gga̱ anna a̱gga̱ enne e̱e̱ggi̱n kaala ne̱ko̱ de̱de̱, eci iróng ba̱li̱ye̱ ogone lo̱mu̱k.

Vilipia 1:28

Ma o̱ngo̱o̱li̱nnu̱ udut ol cik amarinnung i̱ge̱ta̱. Een necu zoz ci i̱ye̱la̱ egerzan atin Ta̱mu̱ta̱dde̱n nogo, ma̱i̱je̱ niga amudannu atin ti̱ri̱ze̱ne̱t ngati Ta̱mu̱ta̱dde̱no̱.

I̱bu̱ru̱ 4:13

I̱llo̱i̱ gi̱i̱ imma ci aave lo̱o̱ta̱ ngatu ci iróng Ta̱mu̱ta̱dde̱n acinni. Acin enne kaal do̱o̱k, abunna ka̱du̱wa̱k nonno zoz ci een de̱de̱.

1 Peturu 4:1

Ki i̱yo̱ko̱ baling apirna ele ci Ki̱ri̱sto̱ lo̱o̱ta̱ ngatu, a̱vvu̱t ju̱rru̱m, apirnannu atin niga ki i̱yo̱ko̱ enne ko̱ bu̱k, eci pirnanet ci ele cinne i̱ye̱le̱kke̱t i̱ti̱vi̱la̱ enne mu̱nye̱n cigga̱c.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.