Lu̱ka̱ 5:21 - Tennet

²¹ A̱ka̱tte̱ zin olli Varacisi ki de̱me̱zzo̱k wak lo̱ti̱nno̱u̱ i̱no̱ni̱t nege e̱le̱tti̱ne̱ do̱, “Ngene e̱e̱ti̱ cu ozoz zoz ci odome enne Ta̱mu̱ta̱dde̱n ko̱? Ngene wo̱ye̱ ci alalnek ol mu̱nye̱ne̱, iróng een Ta̱mu̱ta̱dde̱n do̱ niko?”

Lu̱ka̱ 5:21 Iomraidhean Croise

Ma̱te̱yo̱ 26:65

Ming okko aziye alaani ci a̱ddi̱ki̱re̱ wawaco zoz necu, utubur nong niko, kar kerec ru̱u̱ma̱ni̱ ciginnek, kar kize ne, “Odom enne Ta̱mu̱ta̱dde̱n. Nya korong bo̱do̱k naga bbacak u̱gge̱ ko̱? Iziktu niga zoz ci odome enne Ta̱mu̱ta̱dde̱n.

Ma̱te̱yo̱ 9:3

Anno de̱me̱zzo̱wa̱ wak lo̱ti̱nno̱k wak Musesi ko̱ ne, “A̱wu̱l e̱e̱ti̱ cu zoz ci Ta̱mu̱ta̱dde̱no̱!”

Lu̱ka̱ 3:8

U̱tu̱gu̱z kaal cik abunna ming uturtau niga mu̱nye̱n ciggo̱k ko̱. Ma ngen a̱nne̱kku̱ e̱le̱tti̱ ciggo̱k ne, ‘Kanyaka naga Aburaham kize be̱e̱ti̱nna̱ng.’ Eci anna ka̱du̱wa̱kku̱ng i̱yo̱ko̱, adiman wo̱ye̱ Ta̱mu̱ta̱dde̱n dooli cik Aburahami biyene ne̱ko̱.

Lu̱ka̱ 5:17

Imma i̱i̱te̱n imma baling edemez enne ol cik een Varacis ki de̱me̱zzo̱k wak lo̱ti̱nno̱u̱, balik a̱vvu̱ o̱ro̱gjo̱we̱ Ga̱li̱li̱kte̱, Ju̱de̱ya̱, ki Jerusalema, aavtte nege ba̱li̱ye̱ nginati. Kar doizi ci Manyi ka̱vvu̱ ngatinne kar enne kangaru ol cik omori.

Lu̱ka̱ 5:22

A̱gga̱ Ye̱su̱ zoz ci i̱no̱n nege kar ki̱jji̱n nogo, “Nya ming i̱no̱nnu̱ niga kaal ne̱ko̱ zi̱nze̱tti̱nne̱ ciggo̱k?

Lu̱ka̱ 7:49

Kar ol balik e̱e̱ggi̱n e̱re̱nno̱k ke̱ kozozit nege do̱, “Ngene dim e̱e̱ti̱ ci aara ol mu̱nye̱n ko̱?”

Kaviyak wak Abunna Ta̱mu̱ta̱dde̱no̱ eher Joni 10:33

O̱bo̱dde̱k zin ol nonno, a̱nne̱k ne, “Iróng naga kovvocci zo̱ze̱ ci abunna ogoni i̱nna̱ ko̱, abarik korongnya kovvocci zo̱ze̱ ci ibbeze Ta̱mu̱ta̱dde̱n, azi i̱nna̱ e̱e̱ti̱ ci diiri gaganiko ne e̱e̱ni̱ i̱nna̱ bu̱k Ta̱mu̱ta̱dde̱n.”

Roma 8:33

Ming elema Ta̱mu̱ta̱dde̱n ol balik atahala enne ke̱, anyak wo̱ye̱ e̱e̱t imma ci ettedik ol ne̱ko̱ lo̱ki̱ko̱? I̱llo̱i̱ wo̱ye̱ e̱e̱t imma ci ettedik nogo lo̱ki̱ko̱.