Lu̱ka̱ 5:10 - Tennet

¹⁰ e̱e̱ggi̱n nege ciko Je̱mi̱s ki Jon, logoz cik Zebedee, e̱e̱ggi̱n nege gonoggi Si̱mo̱ne̱. Izek zin Ye̱su̱ Si̱mo̱ne̱ ne, “Ma o̱ngo̱o̱li̱nnu̱; akane wazin necu kuk oowa, a̱gga̱mnyu̱ atin niga ol.”

Lu̱ka̱ 5:10 Iomraidhean Croise

Ma̱te̱yo̱ 13:47

“Ogon ba̱a̱li̱ne̱t ci ta̱mu̱-kengo ki e̱e̱ti̱ ci avicek imutuk liil kar ka̱gga̱m u̱lu̱g cik meelek.

Ma̱te̱yo̱ 14:27

Ma̱i̱je̱ ataman niko, ozozik Ye̱su̱ nogo izek ne, “Anycik zi̱nze̱tti̱ kokkomit, annit Ye̱su̱ icu, ma o̱ngo̱o̱li̱nnu̱ lo̱o̱c gaganiko.”

Ma̱te̱yo̱ 20:20

I̱ki̱ya̱ zin ngaa ci Zebedee wa een e̱e̱ti̱ Je̱mi̱si̱ ki Jon, anyaha ki dooli waginnek een rama ko̱ bu̱k rok Ye̱su̱. Kar zin ngaa neci kakatek u̱zu̱ngti̱nne̱ ngati Ye̱su̱, orong abunna enne ming ogonik nonno gi̱i̱ ci orong enne.

Ma̱te̱yo̱ 4:19

A̱nne̱k Ye̱su̱ nogo ne, “I̱vi̱ta̱ unuyang kar kedemezung gga̱mi̱ne̱t ol.”

Ma̱te̱yo̱ 4:21

Baling ngen Ye̱su̱ owo liile ci een Ga̱li̱li̱, icin bo̱do̱k logoz cik een rama Je̱mi̱s ki Jon dooli wak Zebedee, ming erekrean baru wak a̱gga̱me̱ u̱lu̱g i̱bo̱wa̱ ki be̱e̱ti̱nne̱ng. A̱nne̱k Ye̱su̱ nogo ne, “I̱vi̱ta̱ unuyang,”

Marko 1:17

A̱nne̱k zin Ye̱su̱ nogo ne, “I̱vi̱ta̱, unuyang, ka̱a̱nyu̱ng atin izet ol cik anyahannu ol ki̱vi̱ta̱k Ta̱mu̱ta̱dde̱n.”

Lu̱ka̱ 5:7

U̱tu̱ya̱ zin gonoggi i̱bo̱we̱ e̱co̱de̱ ke̱, ki̱vi̱ta̱ keeltta nogo, kar kibbizitanit u̱lu̱ga̱ i̱be̱t ne̱ke̱ do̱o̱k, orong abarik i̱be̱tta̱ addude.

Lu̱ka̱ 5:9

Eci enne ki gonoggi do̱o̱k u̱ku̱lte̱k gool ci a̱gga̱me̱ nege u̱lu̱g balik ovvoye nege ke̱,

Lu̱ka̱ 6:14

Si̱mo̱ne̱ ci azi zar u̱gge̱ ne Peturu, gotoni Andereya, Je̱mi̱s, Jon, Vilip, Bartolomeyo,

Kaviyak wak Abunna Ta̱mu̱ta̱dde̱no̱ eher Joni 21:2

Aavtte ol ciko to Si̱mo̱ne̱ wa een Peturu, Tomas wa een cuudenit, Nathanael wa a̱kku̱ o̱rge̱ ci een Kana, Ga̱li̱li̱ya̱, ki logoz cik Zebedee, ki nuyak u̱gge̱ rama, arume nege do̱o̱k nga̱to̱de̱.

Buk wa To̱ni̱a̱u̱ 2:4

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

2 Ko̱ri̱nto̱ 8:23

Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

2 Ti̱mo̱te̱yo̱ 2:26

Kar zin kilittet lo̱rye̱ni̱t bali eceba nogo o̱o̱tti̱ ki̱li̱ngli̱ngto̱zi̱k nonno ke̱.