Lu̱ka̱ 4:32 - Tennet

³² U̱ku̱lte̱k zin ol ne̱ke̱ je̱e̱n de̱mzi̱nte̱ cinne, eci kaviyaha ciginnek anyak doiz.

Lu̱ka̱ 4:32 Iomraidhean Croise

Marko 1:22

U̱ku̱lte̱k ol de̱mzi̱ne̱t cinne, eci enne edemez nogo kize e̱e̱t ci anyak doiz, iróng ogon ki de̱me̱zzo̱wa̱ wak lo̱ti̱nno̱u̱.

Lu̱ka̱ 2:47

Imma ol ne̱k aziye zoz cinne ke̱, a̱ma̱li̱ltte̱ o̱o̱tti̱ cigge̱k zo̱ze̱ ci a̱gga̱ enne ki go̱o̱le̱ ci abarizek enne ji̱ne̱ne̱t cinne̱ng.

Lu̱ka̱ 4:33

Imma Ce̱e̱ze̱ wa Lawinto anyak da̱ e̱e̱t imma ci anyak kuuloc ci lo̱rye̱nto̱. Egereny zin e̱e̱ti̱ neci muluwe ci a̱ppwe̱,

Lu̱ka̱ 4:36

U̱ku̱lte̱k ol do̱o̱k je̱e̱n zo̱ze̱ necu, kar kozozit nege do̱, “Een de̱mzi̱ne̱t necu nya? Katkaton ki komiz jang ci a̱du̱wa̱k enne zoz kuulo cik lo̱rye̱nta̱k ko̱, kar nege kiyokta ko̱!”

Kaviyak wak Abunna Ta̱mu̱ta̱dde̱no̱ eher Joni 6:63

Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.

Kaviyak wak Abunna Ta̱mu̱ta̱dde̱no̱ eher Joni 7:46

O̱bo̱dde̱k zin ol cik ebekce ko̱ nogo, izeto ne, “Ngen ku̱mu̱dda̱ e̱e̱t imma ci ozoz ki i̱yo̱ko̱ e̱e̱ti̱ cu ko̱.”

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.