Lu̱ka̱ 4:18 - Tennet

¹⁸ “Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Lu̱ka̱ 4:18 Iomraidhean Croise

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 12:18

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.

Ma̱te̱yo̱ 12:20

Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Ma̱te̱yo̱ 4:16

Icinnet ol wak abak mu̱hu̱ra̱, vooriten ci a̱ppwe̱, ma̱i̱je̱ ol wak abak ri̱ri̱to̱ne̱ ci daizo, iyowak atin nogo vooriten.”

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Lu̱ka̱ 4:17

Anyozik nonno waraga wa eher a̱ri̱to̱i̱ti̱ wa een zara Isaya. Uppuk zin enne kar kuruba nginti e̱he̱rye̱ azi ne:

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Lu̱ka̱ 7:22

O̱bo̱de̱k zin enne nuyak balik i̱tto̱na̱i̱ ke̱, “I̱mi̱rrte̱ oot u̱du̱kta̱k Jon Ba̱ti̱ti̱mo̱, nya ci icinntu niga ki kaal cik iziktu niga: Icinte ol cik ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar kaviyaha cik abunna kuwaktozik ol cik amati.

Kaviyak wak Abunna Ta̱mu̱ta̱dde̱no̱ eher Joni 1:41

Een zoz ci orong Andereya arrak oowa, orong kuruba gotoni wa een Si̱mo̱ne̱, kar ku̱du̱wa̱k nonno kizek ne, “Kurubta Missaya wa een Ki̱ri̱sto̱ wa bali atahalai.”

Kaviyak wak Abunna Ta̱mu̱ta̱dde̱no̱ eher Joni 12:46

Ka̱kku̱na̱k anna lo̱o̱c kize tukulec ci lo̱o̱tu̱, kar e̱e̱ti̱ ci a̱tu̱ya̱ annita iróng atin owo ngati mu̱hu̱ri̱.

Kaviyak wak Abunna Ta̱mu̱ta̱dde̱no̱ eher Joni 3:34

Okko e̱e̱ti̱ wa i̱tto̱na̱ Ta̱mu̱ta̱dde̱n ko̱ ozoz zoz ci Ta̱mu̱ta̱dde̱no̱, eci enne aanyik Vongiz cinne do̱o̱k.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Buk wa To̱ni̱a̱u̱ 4:26

Ait alaata cik lo̱o̱tu̱ illa, kar bo̱do̱k ol wak abal ol ko̱ a̱vvu̱to̱ nga̱to̱de̱ ka̱da̱ngi̱t Manyi kar ka̱da̱ngi̱t E̱e̱t Co̱de̱ wa atahalai.’

Buk wa To̱ni̱a̱u̱ 4:27

De̱de̱ u̱ru̱mto̱ He̱ro̱di̱ ki Pontius Pilato nga̱to̱de̱ ki i̱do̱ngi̱ ki olli Israilo o̱rge̱ cu adawa du̱ca̱i̱t cunne a̱li̱le̱ Ye̱su̱, wa bali atahala i̱nna̱.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.